Karavali
ಬೆಳ್ತಂಗಡಿ: ಸೆಲ್ಫಿ ಗೀಳಿಗೆ 20 ಅಡಿಯಿಂದ ಜಾರಿ ಬಿದ್ದ
- Tue, Jul 02 2019 10:59:34 AM
-
ಬೆಳ್ತಂಗಡಿ, ಜು 02 (Daijiworld News/MSP): ಸೆಲ್ಪೀ ತೆಗೆಯುವ ಹುಚ್ಚಿನಿಂದಾಗಿ ಇಲ್ಲೋರ್ವ ಯುವಕ ಗಂಬೀರ ಗಾಯಗೊಂಡ ಘಟನೆ ಚಾರ್ಮಾಡಿ ಕಣಿವೆ ರಸ್ತೆಯಲ್ಲಿ ನಡೆದಿದೆ. ಇದರ ವೀಡಿಯೋ ಸಾಮಾಜಿಕ ತಾಣದಲ್ಲಿ ವ್ಯಾಪಕವಾಗಿ ಹರಡಿದೆ.
ಮಂಗಳೂರು ಖಾಸಗಿ ಕಂಪೆನಿಯಲ್ಲಿ ಉದ್ಯೋಗಿಯಾಗಿರುವ ನೆರಿಯಾ ಮೂಲದ ಯುವಕ ಭಾನುವಾರ ಗೆಳೆಯರೊಂದಿಗೆ ರಜಾ ಸಮಯ ಕಳೆಯಲು ಹೋಗಿ ನೀರಿನ ಝರಿಯಲ್ಲಿ ಪಾಚಿಗೆ ಕಾಲಿರಿಸಿದ್ದರಿಂದ ಆಯ ತಪ್ಪಿ 20 ಅಡಿಯಿಂದ ಬಿದ್ದು, ಗಂಭೀರ ಗಾಯಗಳೊಂದಿಗೆ ಮಂಗಳೂರು ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ ಎನ್ನಲಾಗಿದೆ.
ಝರಿಯಿಂದ ಬೀಳುವ ಚಿತ್ರವು ಪ್ರವಾಸಿಗರ ಮೊಬಲ್‌ನಲ್ಲಿ ಸೆರೆಯಾಗಿದ್ದು, ವೀಡಿಯೋ ತುಣುಕುಗಳು ಸಾಮಾಜಿಕ ತಾಲಜಾಣದಲ್ಲಿ ಹರಿದಾಡುತ್ತಿದೆ. ಯುವಕನಿಗೆ ತಲೆ ಕೈಗೆ ಗಾಯವಾಗಿದ್ದು, ಆಸ್ಪತ್ರೆಯಲ್ಲಿ ಚೇತರಿಸಿಕೊಳ್ಳುತ್ತಿರುವುದಾಗಿ ಮಾಹಿತಿ ಲಭಿಸಿದೆ. ಈ ಕುರಿತು ಸಂಬಂಧಕರಿಗೆ ಕರೆ ಮಾಡಿದಾಗ ವಿಡಿಯೋ ದೃಶ್ಯದ ಕುರಿತು ಪ್ರತಿಕ್ರಿಯಿಸಲು ನಿರಾಕರಿಸಿದ್ದಾರೆ. ಅಪಘಾತದಲ್ಲಿ ಗಾಯವಾಗಿರುವುದಾಗಿ ತಿಳಿಸಿದ್ದಾರೆ.
ಚಾನಲ್ ಫಾಲೋ ಮಾಡಿ
