ಉಡುಪಿ: ಮತ್ಸ್ಯಗಂಧ ಎಕ್ಸ್‌ಪ್ರೆಸ್‌ನಲ್ಲಿ ಕಾಣೆಯಾಗಿದ್ದ ಬಾಲಕ- ಕೊಂಕಣ ರೈಲ್ವೆ ಸಿಬ್ಬಂದಿಯಿಂದ ರಕ್ಷಣೆ

•   Fri, Nov 21 2025 08:53:17 PM



• ಉಡುಪಿ, ನ. 21 (DaijiworldNews/AK):ರೈಲು ಸಂಖ್ಯೆ 12619 ಮತ್ಸ್ಯಗಂಧ ಎಕ್ಸ್‌ಪ್ರೆಸ್‌ನಲ್ಲಿ ಏಕಾಂಗಿಯಾಗಿ ಪ್ರಯಾಣಿಸುತ್ತಿದ್ದ 14 ವರ್ಷದ ಬಾಲಕನನ್ನು ರಕ್ಷಿಸುವ ಮೂಲಕ ಕೊಂಕಣ ರೈಲ್ವೆ ಸಿಬ್ಬಂದಿ ಮತ್ತೊಮ್ಮೆ ಪ್ರಯಾಣಿಕರ ಸುರಕ್ಷತೆ ಮತ್ತು ಸಾಮಾಜಿಕ ಜವಾಬ್ದಾರಿಗೆ ತಮ್ಮ ಬದ್ಧತೆಯನ್ನು ಪ್ರದರ್ಶಿಸಿದ್ದಾರೆ.

  ನವೆಂಬರ್ 20, 2025 ರಂದು, ಮುಖ್ಯ ಟಿಕೆಟ್ ಪರೀಕ್ಷಕ ಪ್ರದೀಪ್ ಝಡ್ ಶ್ರೀಕೆ, ಶಾಲಾ ಸಮವಸ್ತ್ರದಲ್ಲಿ ಸಾಮಾನ್ಯ ಕೋಚ್‌ನಲ್ಲಿ ಟಿಕೆಟ್ ಇಲ್ಲದೆ ಪ್ರಯಾಣಿಸುತ್ತಿದ್ದ ಹುಡುಗನನ್ನು ಗಮನಿಸಿದರು. ಬಾಲಕನ ಸ್ಥಿತಿ ನೋಡಿ ಅನುಮಾನಾಸ್ಪದ ಕಂಡು ಬಂದ ಕಾರಣ ಅವರು ಮಗುವನ್ನು ವಿಚಾರಿಸಿದಾಗ ಅವನು ಮನೆಯಿಂದ ಓಡಿಹೋಗಿದ್ದಾನೆ ಎಂದು ತಿಳಿದುಬಂದಿದೆ.

  ಅವರು ತಕ್ಷಣವೇ ವಾಣಿಜ್ಯ ನಿಯಂತ್ರಣ ತಂಡಕ್ಕೆ ಮಾಹಿತಿ ನೀಡಿ ರತ್ನಗಿರಿ ನಿಲ್ದಾಣದಲ್ಲಿ ರೈಲ್ವೆ ರಕ್ಷಣಾ ಪಡೆಯಿಂದ ಸಹಾಯ ಪಡೆದರು. ಆರ್‌ಪಿಎಫ್ ಸಿಬ್ಬಂದಿ ತಕ್ಷಣ ಪ್ರತಿಕ್ರಿಯಿಸಿ, ಬಾಲಕನನ್ನು ಸುರಕ್ಷಿತ ವಾಗಿ ವಶಕ್ಕೆ ತೆಗೆದುಕೊಂಡು, ಅವನ ಸುರಕ್ಷಿತವಾಗಿ ಹಸ್ತಾಂತರ ಮಾಡಲಾಯಿತು.

  ನಂತರ ಬಾಲಕ ವಾಸ್ಕೋದಲ್ಲಿರುವ ಅವನ ಶಾಲೆಯಿಂದ ಕಾಣೆಯಾಗಿದೆ ಎಂದು ದೃಢಪಡಿಸಲಾಯಿತು ಮತ್ತು ಅವನ ಪೋಷಕರು ಅವನನ್ನು ಪತ್ತೆಹಚ್ಚಲು ಸಾರ್ವಜನಿಕರ ಸಹಾಯವನ್ನು ಕೋರಿದ್ದರು. ಕಾಣೆಯಾದ ಹುಡುಗ ಸುರಕ್ಷಿತವಾಗಿ ತನ್ನ ಕುಟುಂಬದೊಂದಿಗೆ ಮತ್ತೆ ಸೇರಿಕೊಂಡಿದ್ದಾನೆ.