ಕಾಸರಗೋಡು: ಕೆರೆಯಲ್ಲಿ ಮುಳುಗಿ ಧಾರವಾಡ ಮೂಲದ ಯುವಕ ಸಾವು

•   Fri, Jul 05 2019 04:57:18 PM



• ಕಾಸರಗೋಡು, ಜೂ 05 (Daijiworld News/MSP): ಕೆರೆಯಲ್ಲಿ ಮುಳುಗಿ ಧಾರವಾಡ ಮೂಲದ ಯುವಕನೋರ್ವ ಮೃತಪಟ್ಟ ಘಟನೆ ಕುಂಡಂಗುಯಿಯಲ್ಲಿ ನಡೆದಿದೆ. ಮೃತಪಟ್ಟವನನ್ನು ಧಾರವಾಡದ ಮಹಾಂತೇಶ್ (18) ಎಂದು ಗುರುತಿಸಲಾಗಿದೆ.

  

  

  ಜು.4 ರ ಗುರುವಾರ ಸಂಜೆ ಕುಂಡಂಗುಯಿಯ ಕೆರೆಯೊಂದರಲ್ಲಿ ಮಹಾಂತೇಶ್ ಸ್ನಾನಕ್ಕಿಳಿದಿದ್ದು, ಈ ಸಂದರ್ಭ ನೀರಲ್ಲಿ ಮುಳುಗಿದ್ದನು ತಕ್ಷಣ ಜೊತೆಯಲ್ಲಿದ್ದವರು ರಕ್ಷಿಸಲು ಯತ್ನಿಸಿದರೂ ಸಾಧ್ಯವಾಗಲಿಲ್ಲ.

  ಕೊನೆಗೆ ಅಗ್ನಿಶಾಮಕ ದಳ ಮತ್ತು ಸ್ಥಳೀಯರ ನೆರವಿನಿಂದ ಮೃತದೇಹವನ್ನು ಹೊರತೆಗೆಯಲಾಯಿತು. ಕೆಲ ತಿಂಗಳ ಹಿಂದೆ ಕೂಲಿ ಕೆಲಸಕ್ಕಾಗಿ ಕಾಸರಗೋಡಿಗೆ ತಲುಪಿದ್ದ ಮಹಾಂತೇಶ್ ಕಾಸರಗೋಡು ಅಶೋಕ ನಗರದ ಬಾಡಿಗೆ ಮನೆಯಲ್ಲಿ ವಾಸವಾಗಿದ್ದನು. ಮೃತದೇಹವನ್ನು ಕಾಸರಗೋಡು ಜನರಲ್ ಆಸ್ಪತ್ರೆಯ ಶವಗಾರದಲ್ಲಿರಿಸಲಾಗಿದ್ದು, ಮನೆಯವರಿಗೆ ಮಾಹಿತಿ ನೀಡಲಾಗಿದೆ. ಸಂಬಂಧಿಕರು ತಲಪಿದ ಬಳಿಕ ಮರಣೋತ್ತರ ಪರೀಕ್ಷೆ ನಡೆಸಿ ಮೃತದೇಹವನ್ನು ಹಸ್ತಾಂತರಿಸಲಿದ್ದಾರೆ.