ಪುತ್ತೂರು: ಸಾಮೂಹಿಕ ಅತ್ಯಾಚಾರದ ವೀಡಿಯೋ ವೈರಲ್ - ಮತ್ತೆ ಮೂವರ ಸೆರೆ

•   Sat, Jul 06 2019 07:32:09 AM



• ಪುತ್ತೂರು, ಜು06(Daijiworld News/SS): ಕಾಲೇಜು ವಿದ್ಯಾರ್ಥಿನಿಯ‌ ಮೇಲೆ ಅದೇ ಕಾಲೇಜಿನ ವಿದ್ಯಾರ್ಥಿಗಳು ಕಾರಿನಲ್ಲಿ ಸಾಮೂಹಿಕ ಅತ್ಯಾಚಾರ ನಡೆಸಿದ ವೀಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಮಾಡಿದ ಪ್ರಕರಣಕ್ಕೆ ಸಂಬಂಧಿಸಿ ಪುತ್ತೂರು ಪೊಲೀಸರು ಇದೀಗ ಮತ್ತೆ ಮೂವರನ್ನು ಬಂಧಿಸಿದ್ದಾರೆ ಎಂದು ತಿಳಿದುಬಂದಿದೆ.

  

  ಬಂಧಿತ ಯುವಕರನ್ನು ಶೌಕತ್ ಆಲಿ, ನಜೀರ್ ಮತ್ತು ಜಾಬಿರ್ ಎಂದು ಗುರುತಿಸಲಾಗಿದೆ. ಈ ಮೂವರು ಪುತ್ತೂರು ತಾಲೂಕಿನ ಬೆಳಂದೂರು ನಿವಾಸಿಗಳೆಂದು ತಿಳಿದುಬಂದಿದೆ.

  ಈ ಪ್ರಕರಣಕ್ಕೆ ಸಂಬಂಧಿಸಿದಂತೆ ಈಗಾಗಲೇ ಮುರಳೀಧರ, ಚಂದ್ರಶೇಖರ ಮಯ್ಯ, ಶ್ರೇಯಾಂಸ್, ಪೂವಪ್ಪ, ಪವನ್ ಕುಮಾರ್, ಮೋಹಿತ್ ಪಿ.ಜಿ., ಧ್ಯಾನ್, ಅದ್ವಿತ್ ಎಂಬರನ್ನು ಬಂಧಿಸಲಾಗಿತ್ತು.

  ಸಾಮೂಹಿಕ ಅತ್ಯಾಚಾರ ಮಾಡಿ, ದುಷ್ಕೃತ್ಯವನ್ನು ಚಿತ್ರೀಕರಣ ಮಾಡಿಕೊಂಡ ಪ್ರಕರಣದ ಆರೋಪಿಗಳಾದ ಗುರುನಂದನ್, ಪ್ರಜ್ವಲ್, ಸುನಿಲ್, ಕಿಶನ್ ಮತ್ತು ಪ್ರಖ್ಯಾತ್ ಎಂಬವರನ್ನು ಜು.3ರಂದು ಬಂಧಿಸಲಾಗಿತ್ತು.

  ಈ ಪ್ರಕರಣದಲ್ಲಿ ಒಟ್ಟು ‌16 ಮಂದಿಯನ್ನು ಈವರೆಗೆ ಬಂಧಿಸಲಾಗಿದೆ. ತನಿಖೆ ಮುಂದುವರೆದಿದೆ.