ಮೂಡುಬಿದಿರೆ: ವಿವಿಧ ಅಭಿವೃದ್ಧಿ ಕಾಮಗಾರಿಗಳ ಉದ್ಘಾಟನೆ,ಶಂಕು ಸ್ಥಾಪನೆ ನೆರವೇರಿಸಿದ ಶಾಸಕ ಉಮನಾಥ್ ಕೋಟ್ಯಾನ್

•   Sun, Jul 07 2019 11:14:03 AM



• ಮೂಡುಬಿದಿರೆ, ಜು 07 (Daijiworld News/MSP): ಶಾಸಕ ಉಮನಾಥ್ ಕೋಟ್ಯಾನ್ ಅವರು 'ಶಾಸಕರ ಅನುದಾನ'ದಲ್ಲಿ ಎಕ್ಕಾರು ಗ್ರಾಮ ಪಂಚಾಯತ್ ವ್ಯಾಪ್ತಿಯಲ್ಲಿ ವಿವಿಧ ಅಭಿವೃದ್ಧಿ ಕಾಮಗಾರಿಗಳಿಗೆ ಶಂಕು ಸ್ಥಾಪನೆ ಹಾಗೂ ಪೂರ್ಣಗೊಂಡಿರುವ ಕಾಮಗಾರಿಗಳನ್ನು ಜು. 6 ರ ಶನಿವಾರ ಉದ್ಘಾಟಿಸಿದರು.

  

  

  

  

  ಇದೇ ಸಂದರ್ಭ ಕಾಮಗಾರಿಗಳಿಗೆ ಪೂರ್ಣಗೊಂಡಿರುವ ಎಕ್ಕಾರು ಕೆಂಚಗುಡ್ಡೆ ಅಂಗನವಾಡಿ ಭೇಟಿ ನೀಡಿ ಪರಿಶೀಲನೆ ನಡೆಸಿ ಆ ಬಳಿಕ ಅಂಗನವಾಡಿ ಮೇಲ್ಚಾವಣಿ ಉದ್ಘಾಟನೆ ಮಾಡಿದರು. ಆ ನಂತರ ಶಾಸಕರ ಅನುದಾನ, ಎಕ್ಕಾರು - ವಿಜಯಾ ನಗರ ರಸ್ತೆ, ಮತ್ತು ಎಕ್ಕಾರು - ದೇವರಗುಡ್ಡೆ ರಸ್ತೆ ಕಾಂಕ್ರೀಟಿಕರಣ ಕಾಮಗಾರಿಗೆ ಗುದ್ದಲಿ ಪೂಜೆ ನೆರವೇರಿಸಿದರು.

  ಕಾಮಗಾರಿ ಪೂರ್ಣಗೊಂಡ ಎಕ್ಕಾರು - ಮಚ್ಚಾರು ರಸ್ತೆ ಉದ್ಘಾಟನೆಗೊಳಿಸಿದರು. ಅನಂತರ ಮಳೆಹಾನಿ ಯೋಜನೆಯಡಿಯಲ್ಲಿ 20ಲಕ್ಷ ರೂ. ಅನುದಾನದಲ್ಲಿ ಬಜಪೆ ಬಸ್ ನಿಲ್ದಾಣ ಕಾಂಕೀಟ್ ಕಾಮಗಾರಿ ನಡೆಯುತ್ತಿದ್ದು, ಅದನ್ನು ಪರಿಶೀಲನೆ ನಡೆಸಿದರು. ಬಳಿಕ ಶಾಸಕರ ಕಚೇರಿಯಲ್ಲಿ ಶಾಸಕರಿಂದ ಜನತಾದರ್ಶನ ಕಾರ್ಯಕ್ರಮ ನಡೆಯಿತು. ಈ ಸಂದರ್ಭ ಜನರು ತಮ್ಮ ಸಮಸ್ಯೆಗಳನ್ನು ತಿಳಿಸಿ ಅಹವಾಲನ್ನು ಶಾಸಕರಲ್ಲಿ ನೀಡಿದರು.