ಮಂಗಳೂರು: ಅಕ್ರಮ ಗೋಸಾಗಾಟ ಶಂಕೆಯಲ್ಲಿ ವಾಹನ ತಡೆದು ಹಲ್ಲೆ - ಮೂವರಿಗೆ ಗಾಯ

•   Sun, Jul 07 2019 02:26:36 PM



• ಮಂಗಳೂರು, ಜು 07 (Daijiworld News/MSP): ಅಕ್ರಮವಾಗಿ ಗೋಸಾಗಾಟ ಮಾಡುತ್ತಿದ್ದಾರೆಂಬ ಸಂಶಯದ ಮೇರೆಗೆ ಹಿಂದೂ ಸಂಘಟನೆ ಕಾರ್ಯಕರ್ತರು ಮಾವಿನ ಕಾಯಿ ಸಾಗಿಸುತ್ತಿದ್ದ ಟೆಂಪೋ ಗೂಡ್ಸ್ ವಾಹನ ತಡೆದು ವಾಹನದಲ್ಲಿದ್ದವರಿಗೆ ಹಲ್ಲೆ ನಡೆಸಿದ ಘಟನೆ ನಗರದ ಕುಲಶೇಖರ ಸಿಲ್ವರ್ ಗೇಟ್ ಬಳಿ ಜು.07 ರ ಭಾನುವಾರ ನಡೆದಿದೆ.

  

  ಘಟನೆಯಲ್ಲಿ ವಾಹನದಲ್ಲಿದ್ದ ಅಶ್ಪಕ್, ಫಾರೂಕ್, ಲತೀಫ್ ಎಂಬವರು ಗಾಯಗೊಂಡಿದ್ದು ಅವರನ್ನು ‌ಮಂಗಳೂರಿನ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಸ್ಥಳಕ್ಕೆ ಮಂಗಳೂರು ನಗರ ಠಾಣಾ ಪೊಲೀಸರು ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ. ಹಲ್ಲೆ ನಡೆಸಿದ ಆರೋಪಿಗಳು ಪರಾರಿಯಾಗಿದ್ದಾರೆ.