ಮಂಗಳೂರು: ಟಯರ್ ಸ್ಪೋಟಗೊಂಡು ಹೊಟೇಲ್ ಗೆ ನುಗ್ಗಿದ ಗ್ಯಾಸ್ ತುಂಬಿದ್ದ ಟ್ಯಾಂಕರ್

•   Mon, Jul 08 2019 07:40:52 PM



• ಮಂಗಳೂರು, ಜು 08 (DaijiworldNews/SM): ಟಯರ್ ಸ್ಫೋಟಗೊಂಡ ಪರಿಣಾಮ ಟ್ಯಾಂಕರ್ ವೊಂದು ಹೊಟೇಲ್ ಗೆ ನುಗ್ಗಿದ ಘಟನೆಯೊಂದು ಸುರತ್ಕಲ್ ನಲ್ಲಿ ನಡೆದಿದೆ.

  

  

  

  ಮಂಗಳೂರಿನಿಂದ ಉಡುಪಿಗೆ ಗ್ಯಾಸ್ ಸಾಗಾಟ ನಡೆಸುತ್ತಿದ್ದ ಟ್ಯಾಂಕರ್ ಸುರತ್ಕಲ್ ತಲುಪುತ್ತಿದ್ದಂತೆ ಟಯರ್ ಸ್ಪೋಟಕ್ಕೊಳಗಾಗಿದೆ. ಪರಿಣಾಮ ಚಾಲಕನ ನಿಯಂತ್ರಣ ಕಳೆದುಕೊಂಡು ಸುರತ್ಕಲ್ ನ ಸಿಟಿ ಲಂಚ್ ಹೋಂ ಹೊಟೇಲ್ ಗೆ ನುಗ್ಗಿದೆ. ಘಟನೆಯಲ್ಲಿ ಹೋಟೆಲ್ ಸಂಪೂರ್ಣ ನಜ್ಜು ಗುಜ್ಜಾಗಿದೆ.

  ಅದೃಷ್ಟವಶಾತ್ ಹೋಟೆಲ್ ನಲ್ಲಿದ್ದ ಎಲ್ಲಾ ಗ್ರಾಹಕರು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಬಳಿಕ ಅಗ್ನಿಶಾಮಕ ದಳದ ಅಧಿಕಾರಿಗಳು ಹಾಗೂ ನುರಿತ ತಜ್ಞರು ಸ್ಥಳಕ್ಕೆ ಭೇಟಿ ನೀಡಿ ಟ್ಯಾಂಕರ್ ತೆರವು ಕಾರ್ಯಾಚರಣೆ ನಡೆಸಿದ್ದಾರೆ.

  ಈ ನಡುವೆ ಸುರತ್ಕಲ್ ಠಾಣಾ ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲನೆ ನಡೆಸಿದ್ದಾರೆ.