ಕಾಸರಗೋಡು: ಕೊಲೆಯತ್ನ ಪ್ರಕರಣ - ಇಬ್ಬರ ಬಂಧನ

•   Tue, Jul 09 2019 12:04:46 PM



• ಕಾಸರಗೋಡು, ಜು 09 (Daijiworld News/MSP): ಕೊಲೆ ಪ್ರಕರಣದ ಆರೋಪಿಯ ಕೊಲೆಗೆತ್ನಿಸಿದ ಪ್ರಕರಣಕ್ಕೆ ಸಂಬಂಧಪಟ್ಟಂತೆ ಇಬ್ಬರನ್ನು ಕಾಸರಗೋಡು ನಗರ ಠಾಣಾ ಪೊಲೀಸರು ಬಂಧಿಸಿದ್ದಾರೆ. ಬಂಧಿತನನ್ನು ಅಣಂಗೂರು ಪೂಛಕ್ಕಾಡ್ ನ ಮುಹಮ್ಮದ್ ಅಜರುದ್ದೀನ್ ( 26) ಮತ್ತು ಅಣಂಗೂರಿನ ಅಬೂಬಕ್ಕರ್ ಸುಹೈಲ್ (24) ಎಂದು ಗುರುತಿಸಲಾಗಿದೆ.

  

  ಜೂನ್ 30 ರಂದು ತಳಂಗರೆ ಎಸ್ ಡಿ ಪಿ ಐ ಕಾರ್ಯಕರ್ತ ಜೈನುಲ್ ಅಬಿದ್ ಕೊಲೆ ಪ್ರಕರಣದ ಮೂರನೇ ಆರೋಪಿ ವಿದ್ಯಾನಗರ ನೆಲ್ಕಲ ಕಾಲನಿಯ ಪ್ರಶಾಂತ್ (33) ನನ್ನು ಬಂಧಿತರು ಚಾಕುವಿನಿಂದ ಇರಿದು ಕೊಲೆಗೈತ್ನಿಸಲಾಗಿತ್ತು . ರಾತ್ರಿ ಕೆಲಸ ಮುಗಿಸಿ ಬೈಕ್ ನಲ್ಲಿ ಮರಳುತ್ತಿದ್ದಾಗ ಕಾರಿನಲ್ಲಿ ಬಂದ ತಂಡವು ಇರಿದು ಪರಾರಿಯಾಗಿತ್ತು. 2014 ಡಿಸಂಬರ್ ನಗರದ ಅಂಗಡಿ ನೌಕರನಾಗಿದ್ದ ಜೈನುಲ್ ಅಬಿದ್ ನನ್ನು ಅಂಗಡಿಗೆ ನುಗ್ಗಿ ಕೊಲೆ ಮಾಡಲಾಗಿತ್ತು . ಈ ಪ್ರಕರಣದಲ್ಲಿ ಪ್ರಶಾಂತ್ ಮೂರನೇ ಆರೋಪಿಯಾಗಿದ್ದಾನೆ.