ಭಟ್ಕಳ ಸರಣಿ ಅಪಘಾತ :ವ್ಯಕ್ತಿ ಸಾವು

•   Wed, Sep 13 2017 12:26:46 PM



• ಭಟ್ಕಳ, ಸೆ13 : ಇಲ್ಲಿ ನಡೆದ ಸರಣಿ ಅಪಘಾತದಲ್ಲಿ ವ್ಯಕ್ತಿವೊರ್ವ ಸಾವನ್ನಪ್ಪಿದ್ದಾರೆ. ಮೀನು ಸಾಗಾಟದ ಲಾರಿ ಹಾಗೂ ಮೂರು ಬಸ್ ನಡುವೆ ಅಪಘಾತ ಸಂಭವಿಸಿ ಹಲವಾರು ಮಂದಿ ಗಾಯಗೊಂಡಿರುವ ಘಟನೆ ಇಂದು ನಡೆದಿದೆ.ಲಾರಿ ಚಾಲಕ ಮಂಜೇಶ್ವರ ನಿವಾಸಿ ನಿಹಾದಿ ಅಬ್ದುಲ್ಲಾ ಜಿ ಎಸ್ ಘಟನೆಯಲ್ಲಿ ಮೃತಪಟ್ಟವರು.

  

  

  

  

  

  

  

  

  

  

  

  

  

  ಗೋವಾದಿಂದ ಕೇರಳಕ್ಕೆ ಮೀನು ಹೇರಿಕೊಂಡು ಹೋಗುತ್ತಿದ್ದ ಲಾರಿ ಹಾಗೂ ಮಂಗಳೂರಿನಿಂದ ಹುಬ್ಬಳ್ಳಿ ಕಡೆ ಸಂಚರಿಸುತ್ತಿದ್ದ ಗಣೇಶ್ ಟ್ರಾವೆಲ್ಸ್ ಬಸ್ ನಡುವೆ ಅಪಘಾತ ಸಂಭವಿಸಿದೆ. ಈ ಸಂದರ್ಭ ಹಿಂದಿನಿಂದ ವೇಗವಾಗಿ ಬರುತ್ತಿದ್ದ ಖಾಸಗಿ ಬಸ್, ಇನ್ನೊಂದು ಖಾಸಗಿ ಬಸ್ ಗೆ ಹಿಂಬದಿಯಿಂದ ಡಿಕ್ಕಿಯಾಗಿದೆ. ಅದಾದ ಸ್ವಲ್ಪ ಹೊತ್ತಿಗೆ ಮತ್ತೊಂದು ಹಿಂದಿನಿಂದ ಬಂದ ಗಣೇಶ್ ಬಸ್ ಡಿಕ್ಕಿಯಾಗಿದೆ. ಈ ಬಸ್ ಚಾಲಕನಿಗೆ ಗಂಭೀರ ಗಾಯವಾಗಿದ್ದು ಅವರನ್ನು ಮಂಗಳೂರಿನ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಉಳಿದಂತೆ ಖಾಸಗಿ ಬಸ್ ಚಾಲಕ ಗೌಸ್ ಸಾಹೇಬ್, ಕ್ಲೀನರ್ ಲೋಕೇಶ್ ಸೇರಿದಂತೆ ಹಲವಾರು ಪ್ರಯಾಣಿಕರಿಗೆ ಸಣ್ಣಪುಟ್ಟ ಗಾಯಗಳಾಗಿದೆ ಎಂದು ತಿಳಿದುಬಂದಿದೆ. ಘಟನೆಯಿಂದಾಗಿ ಗಂಟೆಗಳ ಕಾಲ ಸಂಚಾರ ಸ್ಥಗಿತಗೊಂಡಿತ್ತು. ಬಳಿಕ ಪೊಲೀಸರು ವಾಹನ ತೆರವುಗೊಳಿಸಿ ಸಂಚಾರಕ್ಕೆ ಅನುವು ಮಾಡಿಕೊಟ್ಟರು. ಭಟ್ಕಳ ಗ್ರಾಮಾಂತರ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ