ಕಾರ್ಕಳ: ನೆರೆಮನೆಯಾಕೆಯನ್ನು ಕತ್ತಿಯಿಂದ ಕಡಿದು ಕೊಲೆಗೆ ಯತ್ನಿಸಿದ ಮಹಿಳೆ

•   Thu, Jul 11 2019 06:21:46 PM



• ಕಾರ್ಕಳ, ಜು 11 (Daijiworld News/MSP): ಬೈಲೂರು ನೀರೆ ಗ್ರಾಮದ ರಾಜೀವ ನಗರ ೫ ಸೆಂಟ್ಸ್ ಕಾಲನಿ ಎಂಬಲ್ಲಿ ಮಹಿಳೆಯೊಬ್ಬರ ಕೊಲೆಗೆ ಪ್ರಯತ್ನಿಸಿದ ಘಟನೆ ಜು.11 ರ ಬುಧವಾರ ನಡೆದಿದೆ. ನಸೀಮಾ ಪ್ರಕರಣದ ಆರೋಪಿತೆ. ನೆರೆಮನೆಯ ಸಾಹಿರ ಕೂದಲೆಳೆಯ ಅಂತರದಲ್ಲಿ ಜೀವಪಾಯದಿಂದ ಪಾರಾದ ಮಹಿಳೆ.

  

  
  ಸಾಹಿರ ರವರನ್ನು ಕೊಲೆ ಮಾಡುವ ಉದ್ದೇಶದಿಂದ ಯಾವುದೋ ವಿಚಾರವನ್ನು ಮುಂದಿಟ್ಟು ಬುಧವಾರ ಮಧ್ಯಾಹ್ನ ತನ್ನ ಮನೆಗೆ ಕರೆಸಿದ ಆರೋಪಿ ನಸೀಮಾ ಜಗಳ ಮಾಡಿ ಮನೆಯಲ್ಲಿಟ್ಟಿದ್ದ ಕತ್ತಿಯಿಂದ ಸಾಹಿರ ರವರ ತಲೆಗೆ ಹಲ್ಲೆ ಮಾಡಿ ಕೊಲೆಗೆ ಪ್ರಯತ್ನಿಸಿರುವುದಾಗಿ ಸಾಹಿರ  ದೂರು ನೀಡಿದ್ದಾರೆ . ಈ ಬಗ್ಗೆ ಆರೋಪಿಯ ವಿರುದ್ಧ ಕಾರ್ಕಳ ನಗರ ಪೊಲೀಸ್ ಠಾಣೆ ಪ್ರಕರಣ ದಾಖಲಾಗಿದೆ.