ಮೂಡುಬಿದಿರೆ: ಅಕ್ರಮವಾಗಿ ಮದ್ಯ ಮಾರಾಟ- ಆರೋಪಿಯ ಬಂಧನ

•   Thu, Jul 18 2019 08:43:29 PM



• ಮೂಡುಬಿದಿರೆ, ಜು 18 (Daijiworld News/SM): ಒಂಟಿಕಟ್ಟೆಯಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡುತ್ತಿದ್ದ ವ್ಯಕ್ತಿಯೋರ್ವನನ್ನು ಪೊಲೀಸರು ಗುರುವಾರ ಬಂಧಿಸಿದ್ದಾರೆ. ಬಂಧಿತ ವ್ಯಕ್ತಿಯನ್ನು ಸ್ಥಳೀಯ ನಿವಾಸಿ ರಮಾನಾಥ(60)ಎಂದು ಗುರುತಿಸಲಾಗಿದೆ. 

  

  ಒಂಟಿಕಟ್ಟೆಯ ಸಭಾಭವನವೊಂದರ ಪಕ್ಕದಲ್ಲಿರುವ ಹಳೆಯ ಕಟ್ಟಡದಲ್ಲಿ ಅಕ್ರಮವಾಗಿ ಮದ್ಯ ಮಾರಾಟ ಮಾಡಲಾಗುತ್ತಿದೆ ಎಂಬ ಖಚಿತ ಮಾಹಿತಿಯನ್ವಯ ಮೂಡುಬಿದಿರೆ ಎಸ್.ಐ. ದೇಜಪ್ಪ ನೇತೃತ್ವದ ಪೊಲೀಸರ ತಂಡ ಗುರುವಾರ ದಾಳಿ ನಡೆಸಿ ಆರೋಪಿಯನ್ನು ಬಂಧಿಸಿದ್ದಾರೆ.