ಉಡುಪಿ : ದ್ರೋಣ ಶ್ವಾನನಿಗೆ ಚಿನ್ನದ ಪದಕ

•   Sun, Jul 21 2019 02:16:33 PM



• ಉಡುಪಿ, ಜು 21 (Daijiworld News/RD): ಉತ್ತರ ಪ್ರದೇಶದ ಲಕ್ನೋದಲ್ಲಿ ಆಯೋಜಿಸಲಾದ ಅಖಿಲ ಭಾರತ ಮಟ್ಟದ ಪೊಲೀಸ್ ಕರ್ತವ್ಯ ಕೂಟದ ಆಲ್ ಇಂಡಿಯಾ ಪೊಲೀಸ್ ಡ್ಯೂಟಿ ಮೀಟ್ ಜುಲೈ 19 ರಂದು ನಡೆಯಿತು. ಶ್ವಾನದಳ ವಿಭಾಗದಲ್ಲಿ ರಾಜ್ಯದ ಬೆಂಗಳೂರು ದಕ್ಷಿಣ ನಗರ ಸಶಸ್ತ್ರ ಮೀಸಲು ಪಡೆ ಅಪರಾಧ ಪತ್ತೆಯ ಶ್ವಾನ ದ್ರೋಣ ಭಾಗವಹಿಸಿದ್ದು, ಚಿನ್ನದ ಪದಕ ಪಡೆಯುವ ಮೂಲಕ ಪ್ರಥಮ ಸ್ಥಾನ ಪಡೆದುಕೊಂಡಿದೆ.

  

  ದೇಶದ ಎಲ್ಲಾ ರಾಜ್ಯಗಳ ಪೊಲೀಸ್ ಶ್ವಾನಗಳು, ಅರೆಸೇನಾ ಪಡೆಗಳ ಶ್ವಾನಗಳು ಈ ಕೂಟದಲ್ಲಿ ಭಾಗವಹಿಸಿದ್ದು. ಕೂಟದಲ್ಲಿ ನಡೆದ ಅಣಕು ಅಪರಾಧ ಪತ್ತೆ ಕಾರ್ಯಾಚರಣೆಯಲ್ಲಿ ಅತ್ಯುತ್ತಮ ಕಾರ್ಯಕ್ಷಮತೆ ತೋರಿದ ದ್ರೋಣ ಉತ್ತಮ ಅಂಕವನ್ನು ತನ್ನದಾಗಿಸಿ ಚಿನ್ನದ ಪದಕ ಮುಡಿಗೇರಿಸಿಕೊಂಡಿದೆ.
  ರವಿದೇಶ್ ಭಂಡಾರಿ ಚಿನ್ನದ ಪದಕ ಪಡೆದುಕೊಂಡ ದ್ರೋಣ ಶ್ವಾನದ ಸಂಪೂರ್ಣ ನಿರ್ವಾಹಕರಾಗಿದ್ದು, ಕಳೆದ 6 ವರ್ಷಗಳಿಂದ ಪೊಲೀಸ್ ಇಲಾಖೆ, ಅಪರಾಧ ಪತ್ತೆ ವಿಭಾಗದಲ್ಲಿ ಕರ್ತವ್ಯ ಸಲ್ಲಿಸುತ್ತಿದ್ದಾರೆ.