ವಿಧ್ಯಾರ್ಥಿಗೆ ಚೂರಿ ಇರಿತ:ಶಿವಮೊಗ್ಗದಲ್ಲಿ ಪೋಲಿಸ್ ಕಟ್ಟೆಚ್ಚರ

•   Sun, Dec 17 2017 10:02:47 AM



• ಶಿವಮೊಗ್ಗ ಡಿ17: ಶುಕ್ರವಾರ ರಾತ್ರಿ ಪಿಯುಸಿ ವಿಧ್ಯಾರ್ಥಿ ಮೇಲೆ ಅಪರಿಚಿತ ತಂಡವೊಂದು ಹಲ್ಲೆ ನಡೆಸಿದ ಪ್ರಕರಣದ ಹಿನ್ನಲೆಯಲ್ಲಿ ಶಿವಮೊಗ್ಗದಲ್ಲಿ ಪೋಲಿಸರು ಬಿಗು ಬಂದೋಬಸ್ತ್ ಏರ್ಪಡಿಸಿದ್ದಾರೆ.
  ಶುಕ್ರವಾರ ರಾತ್ರಿ ಇಲ್ಲಿನ ಗಾಂಧಿ ಪಾರ್ಕ್ ಸಮೀಪ ಮೂವರ ತಂಡವೊಂದು ಶಬರೀಶ್ ಎಂಬ ವಿಧ್ಯಾರ್ಥಿಯನ್ನು ಇರಿದು ಗಾಯಗೊಳಿಸಿತ್ತು. ಸ್ಥಳೀಯರು ಘಟಣೆಯ ತಕ್ಷಣ ವಿಧ್ಯಾರ್ಥಿಯನ್ನು ಹತ್ತಿರದ ಆಸ್ಪತ್ರೆಗೆ ದಾಖಲಿಸುವಲ್ಲಿ ಸಫಲರಾಗಿದ್ದರು ಹಾಗೂ ವಿಧ್ಯಾರ್ಥಿ ಪ್ರಾಣಾಪಾಯದಿಂದ ಪಾರಾಗಿದ್ದನು.
  ಯಾವ ಕಾರಣಕ್ಕೆ ಹಲ್ಲೆ ನಡೆಸಲಾಯಿತು ಎಂಬ ಬಗ್ಗೆ ಮಾಹಿತಿಯಿಲ್ಲ ಆದರೂ ಪ್ರಕರಣ ಯಾವುದೇ ಕೋಮು ಸ್ವರೂಪ ಪಡೆದುಕೊಳ್ಳದಂತೆ ಪೋಲಿಸರು ಕಟ್ಟೆಚ್ಚರ ವಹಿಸುತ್ತಿದ್ದಾರೆ. ಅನುಮಾನಸ್ಪದ ಹಾಗೂ ಕೋಮು ಧ್ವೇಶ ಹೊರಡಿಸುವುವವರ ಮೇಲೆ ಹೆಚ್ಚಿನ ನಿಗಾ ಇರಿಸಲಾಗಿದೆ ಎಂದು ಪೋಲಿಸರು ತಿಳಿಸಿದ್ದಾರೆ.

  

  
  ಇದೇ ಸಂಧರ್ಭದಲ್ಲಿ ಬಿಜೆಪಿ ನಾಯಕ ಕೆ.ಎಸ್ ಈಶ್ವರಪ್ಪ ನೇತೃತ್ವದಲ್ಲಿ ಬಿಜೆಪಿ ಹಾಗೂ ವಿವಿಧ ಹಿಂದೂ ಸಂಘಟನೆಗಳು ಜಿಲ್ಲಾ ಪೋಲಿಸ್ ವರಿಶ್ಠಾಧಿಕಾರಿ ಅಭಿನವ್ ಅಶೋಕ್ ರವರನ್ನು ಭೇಟಿ ಮಾಡಿ ದುಷ್ಕರ್ಮಿಗಳನ್ನು ಶೀಘ್ರವೇ ಗೂಂಡ ಆಕ್ಟ್ ಕಾಯ್ದೆಯಡಿ ಬಂಧಿಸಿ ಶಿಕ್ಷಿಸಬೇಕೆಂದು ಮನವಿ ಮಾಡಿದರು.