ಮಂಗಳೂರು: ನಡುರಸ್ತೆಯಲ್ಲಿ ಹೊತ್ತಿ ಉರಿದ ಕಾರು - ಚಾಲಕ ಪವಾಡ ಸದೃಶ್ಯವಾಗಿ ಪಾರು

•   Wed, Jul 31 2019 03:35:41 PM



• ಮಂಗಳೂರು, ಜು 31(Daijiworld News/MSP): ಕಾರೊಂದು ರಸ್ತೆ ಮಧ್ಯೆಯೇ ಬೆಂಕಿ ಹತ್ತಿಕೊಂಡು ಚಾಲಕ ಪವಾಡಸದೃಶ್ಯವಾಗಿ ಪಾರಾದ ಘಟನೆ ನಗರದ ಜು.31ರ ಬುಧವಾರ ಮಧ್ಯಾಹ್ನ ನಡೆದಿದೆ.

  

  

  ನಗರದ ಜೈಲ್ ರೋಡ್ - ಬಿಜೈ ನಲ್ಲಿ ವಿಕ್ರಂ ಎಂಬವರು ಚಲಾಯಿಸುತ್ತಿದ್ದ ಕಾರ್ ನಲ್ಲಿ ಆಕಸ್ಮಿಕವಾಗಿ ಬೆಂಕಿ ಕಾಣಿಸಿಕೊಂಡಿದ್ದು, ಇದನ್ನು ಗಮನಿಸಿದ ಚಾಲಕ ವಿಕ್ರಂ ಕಾರಿನಿಂದ ಹಾರಿದ್ದಾರೆ. ಬೆಂಕಿಯ ಪರಿಣಾಮ ಕಾರಿನ ಅರ್ಧ ಭಾಗ ಸುಟ್ಟು ಹೋಗಿದೆ. ಆನಂತರ ಸ್ಥಳಕ್ಕೆ ಆಗಮಿಸಿದ ಅಗ್ನಿಶಾಮಕ ಸಿಬ್ಬಂದಿ ಬೆಂಕಿ ನಂದಿಸಿದ್ದಾರೆ.

  ಚಾಲಕ ವಿಕ್ರಂ ಅವರು ಹೇಳುವಂತೆ ಕಾರ್ ನಲ್ಲಿದ್ದ ಎಸಿ ಯಲ್ಲಿ ಕೂಲಿಂಗ್ ಕಡಿಮೆಯಾಗಿದ್ದರಿಂದ ರಿಪೇರಿಯಾಗಿ ಇರಿಸಿದ್ದರು. ಎ.ಸಿ ದುರಸ್ತಿಯಾದ ಬಳಿಕ ಕಾರನ್ನು ಚಾಲನೆ ಮಾಡಿಕೊಂಡು ಬರುತ್ತಿರುವಾಗ ಈ ಘಟನೆ ನಡೆದಿದೆ ಎಂದಿದ್ದಾರೆ.