ಮಂಗಳೂರು: ಮನೆಯ ಮೇಲೆ ನಾಲ್ಕು ಬೃಹತ್ ಮರಗಳು ಬಿದ್ದು - ಇಬ್ಬರಿಗೆ ಗಾಯ

•   Thu, Aug 08 2019 12:54:56 PM



• ಮಂಗಳೂರು,ಆ. 08 (Daijiworld News/RD): ನಗರದ ಎ ಜೆ ಆಸ್ಪತ್ರೆ ಬಳಿಯ ಬಾರೆಬೈಲ್‌ನಲ್ಲಿ ಒಂದೇ ಮನೆಯ ಮೇಲೆ ನಾಲ್ಕು ಬೃಹತ್ ಮರಗಳು ಬಿದ್ದು ಇಬ್ಬರು ವೃದ್ಧ ಮಹಿಳೆಯರು ಗಾಯಗೊಂಡಿರುವ ಘಟನೆ ನಡೆದಿದೆ. 

  

  

  

  

  

  ಗುರುವಾರ ಮುಂಜಾನೆಯಿಂದ ಸುರಿದ ಭಾರೀ ಮಳೆಯ ಜೊತೆ ಬಲವಾದ ಗಾಳಿ ಬೀಸಿದ ಪರಿಣಾಮವಾಗಿ ಈ ಘಟನೆ ಸಂಭವಿಸಿದೆ. ಘಟನೆಯಲ್ಲಿ ಗಾಯಗೊಂಡ ಮಹಿಳೆಯರು ಗಿರಿಮ್ಮ (90) ಮತ್ತು ದೇವಯಾನಿ (60) ಎಂದು ಗುರುತಿಸಲಾಗಿದೆ. ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಕಳೆದರಡು ದಿನಗಳಿಂದ ಗಾಳಿ ಮಳೆ ವಿಪರೀತ ಸುರಿಯುತ್ತಿದ್ದು, ಮನೆಯ ಪಕ್ಕದಲ್ಲಿ ಇದ್ದ ಬೃಹತ್ ಮರಗಳು ಬೇರು ಸಹಿತ ಕಿತ್ತು ಮನೆಯ ಮೇಲೆ ಬಿದ್ದಿದ್ದು, ಮನೆಯು ಸಂಪೂರ್ಣ ಜಖಂಗೊಂಡು, ಅಪಾರ ಹಾನಿಯಾಗಿದೆ. ಮನೆಯಲ್ಲಿ ನಾಲ್ಕು ಜನ ವಾಸಿಸುತ್ತಿದ್ದು, ಅದೃಷ್ಟವಶಾತ್, ಈ ಘಟನೆ ನಡೆಯುವಾಗ ಮಗ ರವಿ ಮತ್ತು ಮೊಮ್ಮಗ ಬಾಲಕೃಷ್ಣ ಮನೆಯಲ್ಲಿ ಇರಲಿಲ್ಲ. ಮರದ ಜೊತೆಗೆ ವಿದ್ಯುತ್ ಕಂಬ ಕೂಡ ಧರೆಗೆ ಉರುಳಿದೆ. ಅಗ್ನಿಶಾಮಕದಳವು ಸ್ಥಳಕ್ಕೆ ಭೇಟಿ ನೀಡಿದ್ದು ತೆರವು ಕಾರ್ಯಚರಣೆ ನಡೆಸುತ್ತಿದ್ದಾರೆ.ಈಗಗಲೇ ಸ್ಥಳಕ್ಕೆ ಆಡಳಿತ ಮತ್ತು ಜನರ ಪ್ರತಿನಿಧಿಗಳು ಸ್ಥಳಕ್ಕೆ ಭೇಟಿ ನೀಡಿ ಅಗತ್ಯ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದ್ದಾರೆ.