ಕಾಸರಗೋಡು ಡಿ 19: ಕೊಳವೆ ಬಾವಿಯಂತ್ರದ ಲಾರಿ ರಸ್ತೆ ಬದಿಯ ತೋಟಕ್ಕೆ ಉರುಳಿ ಬಿದ್ದ ಘಟನೆ ಬದಿಯಡ್ಕದಲ್ಲಿ ಇಂದು ನಡೆದಿದ್ದು ಪರಿಣಾಮ ಆರು ಮಂದಿ ಗಾಯಗೊಂಡಿದ್ದಾರೆ.
ಲಾರಿ ಚಾಲಕ ತಮಿಳು ನಾಡಿನ ಮುರುಗನ್ (39) , ಕಾರ್ಮಿಕರಾದ ಅಸ್ಸಾಮ್ ನ ರಾಜು ( 28) , ರಾಹುಲ್ ( 19) , ಜ್ಯೋತಿಷ್ ( 24) , ಪಿಫ್ಲೋ ( 29) ಗಾಯಗೊಂಡವರು. ಕೊಳವೆಬಾವಿ ಯಂತ್ರವನ್ನು ಸಾಗಿಸುತ್ತಿದ್ದಾಗ, ಎದುರಿನಿಂದ ಬರುತ್ತಿದ್ದ ಸ್ಕೂಟರ್ ಗೆ ಸೈಡ್ ನೀಡಲು ಹೋಗಿ ಚಾಲಕನ ನಿಯಂತ್ರಣ ತಪ್ಪಿ ಹತ್ತು ಅಡಿ ಆಳದ ಹೊಂಡಕ್ಕೆ ಉರುಳಿ ಬಿದ್ದಿದೆ. ಸ್ಥಳೀಯರು ರಕ್ಷಣಾ ಕಾರ್ಯ ನಡೆಸಿ ಲಾರಿಯಲ್ಲಿ ಸಿಲುಕಿದವರನ್ನು ಹೊರತೆಗೆದು ಆಸ್ಪತ್ರೆ ದಾಖಲಿಸಿದ್ದಾರೆ. ಜಿಲ್ಲೆಯಲ್ಲಿ ಕಳೆದ ನಾಲ್ಕು ತಿಂಗಳ ಅವಧಿಯಲ್ಲಿ ನಾಲ್ಕನೇ ಕೊಳವೆ ಬಾವಿ ಲಾರಿ ಅಪಘಾತ ನಡೆಯುತ್ತಿದ್ದು , ಓರ್ವ ಮೃತಪಟ್ಟು 10 ಕ್ಕೂ ಅಧಿಕ ಮಂದಿ ಗಾಯಗೊಂಡಿದ್ದಾರೆ.
ಚಾನಲ್ ಫಾಲೋ ಮಾಡಿ
