ಕಾಸರಗೋಡು: ಕುಟ್ಟಿಯಾಡಿ ವಿದ್ಯುತ್ ಉತ್ಪಾದನಾ ಘಟಕ ಮುಳುಗಡೆ-ಜಿಲ್ಲೆಯಲ್ಲಿ ವಿದ್ಯುತ್ ಸಂಪೂರ್ಣ ಸ್ಥಗಿತ

•   Fri, Aug 09 2019 10:30:56 PM



• ಕಾಸರಗೋಡು, ಆ 09 (Daijiworld News/SM): ಜಿಲ್ಲೆಯಲ್ಲಿ ಭಾರೀ ಮಳೆಯಾಗುತ್ತಿದ್ದು, ನದಿ, ಹೊಳ್ಳಗಳು ತುಂಬಿ ಹರಿಯುತ್ತಿವೆ. ಚಾಲಿಯಾರ್ ನದಿಯಲ್ಲಿ ನೀರಿನ ಮಟ್ಟ ಏರಿಕೆಯಾಗಿದೆ. ಇದರಿಂದಾಗಿ ಕುಟ್ಟಿಯಾಡಿ ವಿದ್ಯುತ್ ಉತ್ಪಾದನಾ ಘಟಕ ಪ್ರವಾಹದಿಂದ ಮುಳುಗಿದೆ.

  

  ಅರಿಕ್ಕೊಡ್ 220 ಕೆವಿ ಮತ್ತು 110 ಕೆವಿ ಲೈನ್ ಕಡಿತಗೊಳಿಸಲಾಗಿದೆ. ಇದರಿಂದ ಕಾಸರಗೋಡು ಜಿಲ್ಲೆಯಲ್ಲಿ ವಿದ್ಯುತ್ ಸಂಪರ್ಕ ಸಂಪೂರ್ಣ ಸ್ಥಗಿತಗೊಳಿಸಲಾಗಿದೆ. ಶಾನಿವಾರವೂ ಕೂಡಾ ಮಳೆ ಮುಂದುವರಿದಲ್ಲಿ ಸಂಪರ್ಕ ಸ್ಥಗಿತ ಮುಂದುವರಿಯಲಿದೆ ಎಂದು ವಿದ್ಯುತ್ ಮಂಡಳಿ ತಿಳಿಸಿದೆ.

  ವಿದ್ಯುತ್ ಸಂಪೂರ್ಣ ಸ್ಥಗಿತದಿಂದ ಕಾಸರಗೋಡು ಜಿಲ್ಲೆಯಲ್ಲಿ ಕಗ್ಗತ್ತಲು ಆವರಿಸಿದಂತಾಗಿದೆ. ಜಿಲ್ಲೆಯಲ್ಲಿ ವಿದ್ಯುತ್ ಇಲ್ಲದೆ ಜನರು ಪರದಾಡುತ್ತಿದ್ದಾರೆ.