ಕಾರ್ಕಳ: ಚಾಲಕನ ನಿರ್ಲಕ್ಷದಿಂದ ಕಾರು ಡಿಕ್ಕಿ ಪಾದಚಾರಿ ಸಾವು

•   Fri, Aug 16 2019 08:36:30 PM



• ಕಾರ್ಕಳ, ಆ 16 (Daijiworld News/SM): ತಾಲೂಕಿನ ಮೂಡಾರು ಗ್ರಾಮದ ಬಜಗೋಳಿ ಪ್ರಾಥಮಿಕ ಶಾಲಾ ಬಳಿ ಹಾದು ಹೊಗಿರುವ ಬಜಗೋಳಿ-ಹೊಸ್ಮಾರು ರಾಜ್ಯ ಹೆದ್ದಾರಿಯಲ್ಲಿ ಶುಕ್ರವಾರ ನಡೆದ ರಸ್ತೆ ಅಫಘಾತದಲ್ಲಿ ಪಾದಚಾರಿಯೊಬ್ಬರು ಮೃತಪಟ್ಟ ಘಟನೆ ಸಂಭವಿಸಿದೆ.

  

  ನಲ್ಲೂರು ನೆಲ್ಲಿಕಾರಿನ ನಿವಾಸಿ ಜಯಾನಂದ ಪೂಜಾರಿ ಘಟನೆಯಲ್ಲಿ ಮೃತಪಟ್ಟವರು. ಜಯಾನಂದ ಪೂಜಾರಿ ಅವರು ರಘರಾಮ ಆಚಾರಿ ಎಂಬವರೊಂದಿಗೆ ರಸ್ತೆ ಬದಿಯಲ್ಲಿ ನಡೆದುಕೊಂಡು ಹೋಗುತ್ತಿದ್ದಾಗ ಅಲ್ಟೋ ಕಾರು ಅತೀ ವೇಗದಿಂದ ಚಲಿಸಿಕೊಂಡು ಬಂದಿದ್ದು ಪಾದಚಾರಿಗೆ ಡಿಕ್ಕಿ ಹೊಡೆದಿದೆ.

  ಚಾಲಕ ಬಾಬು ಕಾರನ್ನು ಅತೀ ವೇಗ ಹಾಗೂ ನಿರ್ಲಕ್ಷ್ಯ ರೀತಿಯಲ್ಲಿ ನಲ್ಲೂರು ಕಡೆಯಿಂದ ಬಜಗೋಳಿ ಕಡೆಗೆ ಚಲಾಯಿಸಿಕೊಂಡು ಬಂದು ಪಾದಚಾರಿಗಳಿಗೆ ಡಿಕ್ಕಿ ಹೊಡೆದಿದ್ದಾನೆ.

  ಪರಿಣಾಮ ಜಯಾನಂದ ಪೂಜಾರಿಯ ತಲೆಗೆ ಹಾಗೂ ಎರಡು ಕಾಲಿನ ಪಾದಗಳಿಗೆ ತೀವ್ರ ತರದಲ್ಲಿ ಗಾಯ ಉಂಟಾಗಿದ್ದು, ಸ್ಥಳದಲ್ಲಿಮೃತಪಟ್ಟಿದ್ದಾರೆ.

  ಈ ಬಗ್ಗೆ ಕಾರ್ಕಳ ಗ್ರಾಮಾಂತರ ಠಾಣಯಲ್ಲಿ ಕೇಸುದಾಖಲಾಗಿದೆ.