ಶತಾಯುಷಿ ಸಿದ್ದಗಂಗಾ ಸ್ವಾಮೀಜಿಗೆ "ಶತಮಾನದ ಶ್ರೀ" ಪ್ರಶಸ್ತಿ

•   Fri, Dec 22 2017 11:43:17 AM



• ಬೆಂಗಳೂರು, ಡಿ 22: ತುಮಕೂರು ಜಿಲ್ಲೆಯ ಸಿದ್ದಗಂಗಾ ಮಠದ ಮಠಾಧಿಪತಿಗಳಾದ ಡಾ.ಶಿವಕುಮಾರ ಸ್ವಾಮೀಜಿ ಅವರನ್ನು ಶತಮಾನದ ಶ್ರೀ ಗೌರವದೊಂದಿಗೆ ಅಭಿನಂದಿಸಲು ‌ಬೆಂಗಳೂರು ಪ್ರೆಸ್‌ಕ್ಲಬ್ ತೀರ್ಮಾನಿಸಿದೆ.

  

  ಡಾ.ಶಿವಕುಮಾರ ಸ್ವಾಮೀಜಿ  ತುಮಕೂರು ಜಿಲ್ಲೆಯ ಸಿದ್ದಗಂಗಾ ಮಠದ ಮಠಾಧಿಪತಿಗಳಾಗಿದ್ದು, ಇವರು ತ್ರಿವಿಧ ಅಂದರೆ ಅನ್ನ, ಅಕ್ಷರ, ಜ್ಞಾನ ದಾಸೋಹಿಗಳಾಗಿದ್ದಾರೆ. 13ನೇ ಶತಮಾನದ ಯುಗಪುರುಷ ಕ್ರಾಂತಿಕಾರಿ ಬಸವಣ್ಣನವರ ಕಾಯಕವೇ ಕೈಲಾಸ  ಮತ್ತು ನಿತ್ಯ ದಾಸೋಹ ತತ್ವದ ಕೈಂಕರ್ಯದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿರುವ ಶ್ರೀಗಳಾಗಿದ್ದಾರೆ. ಇವರನ್ನು ಶತಮಾನದ ಶ್ರೀ ಗೌರವದೊಂದಿಗೆ ಅಭಿನಂದಿಸಲು ‌ನಿರ್ಧರಿಸುವುದು ಹೆಮ್ಮೆಯ ಸಂಗತಿ.

  ಮುಖ್ಯಮಂತ್ರಿ ಸಿದ್ದರಾಮಯ್ಯ ಮತ್ತು ಚಿತ್ರ ನಟ ಪ್ರಕಾಶ್ ರೈ ಅವರನ್ನು ಪ್ರೆಸ್‌ ಕ್ಲಬ್ ವರ್ಷದ ವ್ಯಕ್ತಿ ಪ್ರಶಸ್ತಿಗೆ ಆಯ್ಕೆ ಮಾಡಲಾಗಿದೆ. ಇದೇ 31ರಂದು ಬೆಳಿಗ್ಗೆ 10ಕ್ಕೆ ಪ್ರಶಸ್ತಿ ಪ್ರದಾನ ಮಾಡಲಾಗುವುದು ಎಂದು ಪ್ರೆಸ್‌ಕ್ಲಬ್ ಪ್ರಕಟಣೆ ತಿಳಿಸಿದೆ.