ಮಂಗಳೂರಿನಲ್ಲಿ ಭೀಕರ ಅಪಘಾತ – ಓರ್ವ ಯುವಕ ಸಾವು

•   Sat, Dec 23 2017 10:25:54 AM



• ಮಂಗಳೂರು, ಡಿ 23: ನಗರದ ಕುಂಟಿಕಾನ ಸಮೀಪದ ಬಿ.ಎಂ.ಎಸ್ ಹೊಟೇಲ್ ಬಳಿ ಭೀಕರ ಅಪಘಾತ ಸಂಭವಿಸಿದ್ದು, ಯುವಕನೋರ್ವ ಮೃತಪಟ್ಟ ದಾರುಣ ಘಟನೆ ನಡೆದಿದೆ.

  

  

  

  

  

  ಮೃತಪಟ್ಟವರನ್ನು ಬೊಂದೆಲ್ ನಿವಾಸಿ ಇಯಾನ್ ಮಸ್ಕರೇನಸ್ (27) ಎಂದು ಗುರುತಿಸಲಾಗಿದೆ. 

  ಕುಂಟಿಕಾನದ ರಾಷ್ಟ್ರೀಯ ಹೆದ್ಧಾರಿ ಸಮೀಪ ಈ ಅಪಘಾತ ನಡೆದಿದ್ದು, ನಿನ್ನೆ ರಾತ್ರಿ ಇಯಾನ್ ಮಸ್ಕರೇನಸ್ ನಾಲ್ಕು ಗೆಳೆಯರ ಜೊತೆಗೆ ಆಲ್ಟೋ ಕಾರಿನಲ್ಲಿ ಪ್ರಯಾಣಿಸುತ್ತಿದ್ದರು. ಈ ವೇಳೆ ನಿಯಂತ್ರಣ ತಪ್ಪಿದ ಕಾರು ಪಲ್ಟಿಯಾಗಿದೆ. ತಕ್ಷಣ ಇಯಾನ್ ಅವರನ್ನು ನಗರದ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿತ್ತು. ಆದರೆ ಚಿಕಿತ್ಸೆ ಫಲಕಾರಿಯಾಗದೇ ಮೃತಪಟ್ಟಿದ್ದಾರೆ. 

  ಭೀಕರ ಅಪಘಾತದಲ್ಲಿ ಮೃತಪಟ್ಟ ಇಯಾನ್ ತಂದೆ ಹೇಮಾಚಾರ್ಯ ( ಸ್ಟೀಫನ್ ಮಸ್ಕರೇನಸ್), ತಾಯಿ ಆ್ಯನಿ ಮಸ್ಕರೇನಸ್ ಮತ್ತು ತಂಗಿಯನ್ನು ಅಗಲಿದ್ದಾರೆ.