ಉಪ್ಪಿನಂಗಡಿ: ಅಕ್ರಮ ಕೋಳಿ ಅಂಕಕ್ಕೆ ದಾಳಿ - 10 ಮಂದಿ ಸೆರೆ

•   Sat, Aug 24 2019 08:14:34 AM



• ಉಪ್ಪಿನಂಗಡಿ, ಆ.24(Daijiworld News/SS): ಅಕ್ರಮವಾಗಿ ನಡೆಯುತ್ತಿದ್ದ ಕೋಳಿ ಅಂಕಕ್ಕೆ ದಾಳಿ ನಡೆಸಿರುವ ಪೊಲೀಸರು 10 ಮಂದಿಯನ್ನು ಬಂಧಿಸಿ ಕೋಳಿಗಳನ್ನು ವಶಪಡಿಸಿಕೊಂಡ ಘಟನೆ ನಡೆದಿದೆ.

  

  ಗಿರಿಯಪ್ಪ ನಲಿಕೆ, ಮಹೇಶ್ ಪೂಜಾರಿ, ಪ್ರಕಾಶ್, ಪ್ರಸಾದ್, ದಿನೇಶ್, ದಿನೇಶ್ ಪೂಜಾರಿ, ದಿನೇಶ್ ಮೂಲ್ಯ, ತಿಮ್ಮಪ್ಪ ಬಂಗೇರ, ರಾಮಣ್ಣ ಹಾಗೂ ಜನಾರ್ದನ ಪೂಜಾರಿ ಬಂಧಿತ ಆರೋಪಿಗಳು.

  ಉರುವಾಲು ಗ್ರಾಮದ ಕಾರಿಂಜ ಬೈತಾರು ಎಂಬಲ್ಲಿ ಅಕ್ರಮವಾಗಿ ನಡೆಯುತ್ತಿದ್ದ ಕೋಳಿ ಅಂಕಕ್ಕೆ ದಾಳಿ ನಡೆಸಿದ ಉಪ್ಪಿನಂಗಡಿ ಪೊಲೀಸರು 10 ಮಂದಿಯನ್ನು ಬಂಧಿಸಿ, ಏಳು ಅಂಕದ ಕೋಳಿ ಹಾಗೂ ಜೂಜಾಟಕ್ಕೆ ಬಳಸಿದ ನಗದನ್ನು ವಶಪಡಿಸಿಕೊಂಡಿದ್ದಾರೆ.

  ಸರಕಾರಿ ಜಾಗದಲ್ಲಿ ಅಕ್ರಮವಾಗಿ ಹಣವನ್ನು ಜೂಜಿಗಿಟ್ಟು ಕೋಳಿ ಅಂಕ ನಡೆಯುತ್ತಿದೆ ಎಂಬ ಖಚಿತ ವರ್ತಮಾನದ ಮೇರೆಗೆ ದಾಳಿ ನಡೆಸಿದ ಉಪ್ಪಿನಂಗಡಿ ಪೊಲೀಸರು ಏಳು ಕೋಳಿಗಳನ್ನು ವಶಪಡಿಸಿಕೊಂಡಿದ್ದಾರೆ.