ಕಾಸರಗೋಡು: ಕೆರೆಯಲ್ಲಿ ಮುಳುಗಿ ವಿದ್ಯಾರ್ಥಿ ಸಾವು

•   Mon, Sep 09 2019 11:01:33 AM



• ಕಾಸರಗೋಡು, ಸೆ 09 (Daijiworld News/RD): ಖಾಸಗಿ ಕಾಲೇಜಿನ ವಿದ್ಯಾರ್ಥಿಯೊರ್ವ ಕೆರೆಯಲ್ಲಿ ಮುಳುಗಿ ಮೃತಪಟ್ಟ ಘಟನೆ ಸೆ.08 ರ ಭಾನುವಾರ ಸಂಜೆ ಮುಳ್ಳೇರಿಯದಲ್ಲಿ ನಡೆದಿದೆ.

  

  ಮುಳ್ಳೇರಿಯ ಅಡ್ಕ ಚೋದಮೂಲೆಯ ಶ್ರೀಜನ್ ಕುಮಾರ್ ( 23) ಮೃತಪಟ್ಟ ವಿದ್ಯಾರ್ಥಿ. ಈಕೆ ಕಾಸರಗೋಡಿನ ಖಾಸಗಿ ಕಾಲೇಜಿನ ಕಂಪ್ಯೂಟರ್ ವಿದ್ಯಾರ್ಥಿ. ಮನೆಯ ಸಮೀಪದ ಕೆರೆಗೆ ಸ್ನಾನಕ್ಕಿಳಿದ ಸಂದರ್ಭದಲ್ಲಿ ಘಟನೆ ನಡೆದಿದೆ.

  ವಿದ್ಯಾರ್ಥಿ ನಾಪತ್ತೆಯಾಗಿರುದರಿಂದ ಮನೆಯವರು ಶೋಧ ನಡೆಸಿದಾಗ ಕೆರೆಯ ಬಳಿ ಚಪ್ಪಲಿ ಪತ್ತೆಯಾಗಿದೆ. ಬೊಬ್ಬೆ ಕೇಳಿ ಸ್ಥಳೀಯರು ಧಾವಿಸಿ ಬಂದು ಕೆರೆಯಲ್ಲಿ ಶೋಧ ನಡೆಸಿದಾಗ ಮೃತದೇಹ ಪತ್ತೆಯಾಗಿದೆ . ಕೆರೆಯಲ್ಲಿ ನೀರು ತುಂಬಿರುವುದರಿಂದ ಹೊರತೆಗೆಯಲು ಸಾಧ್ಯವಾಗಿಲ್ಲ. ಬಳಿಕ ಕೆರೆಯ ಒಂದು ಭಾಗ ತೆರವುಗೊಳಿಸಿ ನೀರು ಕಡಿಮೆಯಾದ ಬಳಿಕ ಮೇಲಕ್ಕೆತ್ತಲಾಯಿತು ಕಾಸರಗೋಡಿನ ಖಾಸಗಿ ಕಾಲೇಜಿನ ಕಂಪ್ಯೂಟರ್ ವಿದ್ಯಾರ್ಥಿಯಾಗಿದ್ದನು. ಈ ಬಗ್ಗೆ ಆದೂರು ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.