ಕಾಸರಗೋಡು: ಮಾದಕ ವಸ್ತು ಪತ್ತೆ- ಇಬ್ಬರ ಬಂಧನ

•   Mon, Sep 09 2019 11:23:21 AM



• ಕಾಸರಗೋಡು, ಸೆ 09 (Daijiworld News/RD): ಮುಳ್ಳೇರಿಯಾ ಕುಂಟಾರು ಸಮೀಪ ವಾಹನ ತಪಾಸಣೆ ನಡೆಸುತ್ತಿದ್ದಾಗ, ಕಾರೋಂದರಲ್ಲಿ ಭಾರೀ ಮೌಲ್ಯದ ಮಾದಕ ವಸ್ತು ಪತ್ತೆಯಾಗಿದ್ದು, ಕಾರಿನಲ್ಲಿದ್ದ ಇಬ್ಬರನ್ನು ಬದಿಯಡ್ಕ ಅಬಕಾರಿ ದಳದ ಸಿಬ್ಬಂದಿಗಳು ಬಂಧಿಸಿದ್ದಾರೆ.

  

  ಬಂಧಿತರನ್ನು ಕಣ್ಣೂರಿನ ಶುಹೈಬ್ (27) ಮಟ್ಟಿ ಮತ್ತು ಖನ್ಸೂಲ್ ಶೇಖ್ ( 27) ಎಂದು ಗುರುತಿಸಲಾಗಿದೆ. ಮುಳ್ಳೇರಿಯಾ ಕುಂಟಾರು ಸಮೀಪ ವಾಹನ ತಪಾಸಣೆ ನಡೆಸುತ್ತಿದ್ದಾಗ, ಅದೇ ದಾರಿಯಲ್ಲಿ ಬಂದ ಕಾರನ್ನು ತಡೆದು ತಪಾಸಣೆ ನಡೆಸಿದಾಗ ಲಕ್ಷಾಂತರ ರೂ. ಮೌಲ್ಯದ ಮಾದಕ ವಸ್ತು ಅಕ್ರಮ ಸಾಗಾಟ ಪತ್ತೆಯಾಗಿದೆ.

  ಈ ವೇಳೆ ಬಂಧಿತರನ್ನು ತನಿಖೆ ನಡೆಸಿದಾಗ ಮೈಸೂರಿನಿಂದ ಈ ಮಾದಕ ವಸ್ತುಗಳನ್ನು ತಂದಿರುವುದಾಗಿ ಆರೋಪಿಗಳು ತಪ್ಪೊಪ್ಪಿಕೊಂಡಿದ್ದಾರೆ. ಇನ್ನು ಈ ಬಗ್ಗೆ ಸ್ಥಳೀಯ ಪೊಲೀಸ್ ಠಾಣೆಯಲ್ಲಿ ಪ್ರಕರಣ, ಹೆಚ್ಚಿನ ತನಿಖೆ ನಡೆಯುತ್ತಿದೆ.