ಕುಂದಾಪುರ : ರೈತನನ್ನು ತಿವಿದು ಕೊಂದ ಕಾಡುಕೋಣ

•   Tue, Sep 10 2019 04:11:07 PM



• ಕುಂದಾಪುರ, ಸೆ 11 (Daijiworld News/MSP): ಕಾಡುಕೋಣದ ದಾಳಿಗೊಳಗಾಗಿ ರೈತರೊಬ್ಬರು ಮೃತಪಟ್ಟ ಘಟನೆ ಬೈಂದೂರು ತಾಲೂಕಿನ ಅಮಾಸೆಬೈಲ್ ನಲ್ಲಿ ಸೆ. 09 ರ ಸೋಮವಾರ ರಾತ್ರಿ ನಡೆದಿದೆ. 

  

  ಮೃತರನ್ನು ಸ್ಥಳೀಯ ನಿವಾಸಿ ಕೃಷಿಕ ಗೋಪು ಪೂಜಾರಿ (60) ಎಂದು ಗುರುತಿಸಲಾಗಿದೆ. ಸೋಮವಾರ ರಾತ್ರಿ ಭತ್ತದ ಗದ್ದೆ‌ ಬಳಿ ಕಾಡುಕೋಣ ಬಂದು ಬೆಳೆ ತಿನ್ನುತ್ತಿದ್ದಾಗ ಕಾಡು ಕೋಣ ಓಡಿಸಲು ಹೋಗಿ ಅವಘಡ ಸಂಭವಿಸಿದೆ.

  ಕಾಡು ಕೋಣ ಓಡಿಸಲು ಹೋದಾಗ ಕಾಡುಕೋಣ ಕೋಪಗೊಂಡು ಎದೆಗೆ ಕೊಂಬಿನಿಂದ ತಿವಿದಿದ್ದು ತೀವ್ರ ರಕ್ತಸ್ರಾವದಿಂದ ಗೋಪು ಪೂಜಾರಿ ಸಾವನ್ನಪ್ಪಿದ್ದಾರೆ ಎಂದು ತಿಳಿದುಬಂದಿದೆ. ಅಮಾಸೆಬೈಲು ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.