ಮಂಗಳೂರು: ವಿಷಪೂರಿತ ಹಾವು ಕಡಿತ-ಮಹಿಳೆ ಸಾವು

•   Tue, Sep 10 2019 10:06:44 PM



• ಮಂಗಳೂರು, ಸೆ 10 (DaijiworldNews/SM): ವಿಷಪೂರಿತ ಹಾವೊಂದು ಕಚ್ಚಿ ಮಹಿಳೆಯೋರ್ವರು ಮೃತಪಟ್ಟ ಘಟನೆ ಕಿಲೆಂಜಾರು ಎರ್ಮಾಳು ಎಂಬಲ್ಲಿ ಮಂಗಳವಾರ ಮಧ್ಯಾಹ್ನ ನಡೆದಿದೆ. ತಾಲೂಕಿನ ಕಿಲೆಂಜಾರು ಎರ್ಮಾಳು ನಿವಾಸಿ ದೇವಿ (40) ಮೃತ ಮಹಿಳೆ.

  

  ಮಂಗಳವಾರ ಮಧ್ಯಾಹ್ನ 2 ಗಂಟೆ ಸುಮಾರು ತನ್ನದೇ ತೋಟಕ್ಕೆ ಹುಲ್ಲು ತರಲೆಂದು ದೇವಿ ತೆರಳಿದ್ದಾರೆ. ಹುಲ್ಲು ಕೀಳುತ್ತಿದ್ದಂತಹ ಸಂದರ್ಭದಲ್ಲಿ ಮಹಿಳೆಗೆ ವಿಷಪೂರಿತ ಹಾವು ಕಚ್ಚಿದೆ. ತೀವ್ರ ಅಸ್ವಸ್ಥಗೊಂಡಿದ್ದ ಮಹಿಳೆಯನ್ನು ಸಮೀಪದ ಆಸ್ಪತ್ರೆಗೆ ರವಾನಿಸಲಾಗಿದೆ. ಆದರೆ, ಅಷ್ಟರಲ್ಲೇ ಅವರು ಮೃತಪಟ್ಟಿದ್ದಾರೆ.

  ಘಟನೆಯ ಕುರಿತು ಬಜ್ಪೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.