ಐತಿಹಾಸಿಕ ಕೊಲ್ಲೂರು ದೇವಳಕ್ಕೆ ನಟಿ ಅಮೂಲ್ಯ ಭೇಟಿ

•   Sat, Dec 30 2017 10:43:32 AM



• ಕೊಲ್ಲೂರು, ಡಿ 30: ಐತಿಹಾಸಿಕ  ಕೊಲ್ಲೂರು ಶ್ರೀ ಮೂಕಾಂಬಿಕಾ ದೇವಸ್ಥಾನಕ್ಕೆ ನಟಿ ಅಮೂಲ್ಯ ಭೇಟಿ ನೀಡಿದ್ದು, ದೇವಾಲಯದಲ್ಲಿ ಪ್ರಾರ್ಥನೆ ಸಲ್ಲಿಸಿದರು.

  

  ಗಂಡನೊಂದಿಗೆ ಭೇಟಿ ನೀಡಿದ ಚಿತ್ರನಟಿ ಅಮೂಲ್ಯ ದೇವರ ದರ್ಶನ ಪಡೆದು, ಪೂಜೆ ಸಲ್ಲಿಸಿದರು. ಶೃಂಗೇರಿ ದರ್ಶನ ಪೂರೈಸಿ ಕೊಲ್ಲೂರಿಗೆ ಬಂದ ಅಮೂಲ್ಯ, ದೇವರ ದರ್ಶನ ಪಡೆದು ಅನ್ನ ಪ್ರಸಾದ ಸ್ವೀಕರಿಸಿದರು. ಆಡಳಿತ ಮಂಡಳಿ ಅಧ್ಯಕ್ಷರಾದ ಹರೀಶ್ ಶೆಟ್ಟಿ ನಟಿ ಅಮೂಲ್ಯರಿಗೆ ಸೀರೆಯನ್ನ ಪ್ರಸಾದ ರೂಪದಲ್ಲಿ ನೀಡಿದ್ದಾರೆ.

  ಬಳಿಕ ಮಾಧ್ಯಮಗಳೊಂದಿಗೆ ಮಾತನಾಡಿದ ಅವರು, ಕೊಲ್ಲೂರು ಮೂಕಾಂಬಿಕೆಯ ದರ್ಶನ ಪಡೆಯಬೇಕೆಂಬ ಹಂಬಲ ಬಹಳ ಕಾಲದಿಂದ ಇತ್ತು ಆದರೆ ಇಂದು ಈ ಅವಕಾಶ ಕೈಗೂಡಿ ಬಂದಿದೆ. ಶೃಂಗೇರಿ ಶಾರದಾಂಬೆಯ ದರ್ಶನ ಪಡೆದು ಇಲ್ಲಿಗೆ ಆಗಮಿಸಿದ್ದೇವೆ ಎಂದು ತಿಳಿಸಿದ್ದಾರೆ.