ಕಾಸರಗೋಡು: ಪೊಲೀಸರು ತಪಾಸಣೆಗೊಳಿಸುತ್ತಿದ್ದ ಬೈಕ್ ಗೆ ಅತಿವೇಗದಿಂದ ಬಂದ ಕಾರು ಡಿಕ್ಕಿ- ಸವಾರ ಸಾವು

•   Sun, Dec 31 2017 10:59:35 AM



•  

  ಕಾಸರಗೋಡು ಡಿ 31: ಪೊಲೀಸರ ವಾಹನ ತಪಾಸಣೆ ಸಂದರ್ಭದಲ್ಲಿ ನಿಲುಗಡೆಗೊಳಿಸಿದ್ದ ಬೈಕ್ ಗೆ ಕಾರು ಡಿಕ್ಕಿ ಹೊಡೆದು ಸವಾರ ಮೃತಪಟ್ಟ ಘಟನೆ ಕಾಸರಗೋಡಿನಲ್ಲಿ ನಡೆದಿದೆ.
  ಮೃತರಾದವರನ್ನು ಅಣಂಗೂರು ಕೊಲ್ಲಂಪಾಡಿಯ ಸುಹೈಲ್ (20) ಎಂದು ಗುರುತಿಸಲಾಗಿದೆ. ಈತ ಎಂ ಬಿ ಎ ವಿದ್ಯಾರ್ಥಿಯಾಗಿದ್ದನು. ಡಿ 31 ರ
  ಶನಿವಾರ ಮುಂಜಾನೆ ಘಟನೆ ನಡೆದಿತ್ತು. ಗಂಭೀರ ಸ್ಥಿತಿಯಲ್ಲಿದ್ದ ಇವರನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಯಿತಾದರೂ ಡಿ. 31ರ ಭಾನುವಾರ ಚಿಕಿತ್ಸೆ ಫಲಕಾರಿಯಾಗದೆ ಮುಂಜಾನೆ ಮೃತಪಟ್ಟದ್ದಾನೆ.
  ಅಣಂಗೂರು ಮೆಹಬೂಬ ರಸ್ತೆಯಲ್ಲಿ ರಾತ್ರಿ ವಾಹನ ತಪಾಸಣೆಗಾಗಿ ಪೊಲೀಸರು ಸುಹೈಲ್ ಸಂಚರಿಸುತ್ತಿದ್ದ ಬೈಕನ್ನು ತಡೆದು ನಿಲ್ಲಿಸಿದ್ದರು. ಬೈಕ್ ನ ದಾಖಲೆಗಳನ್ನು ತಪಾಸಣೆ ನಡೆಸುತ್ತಿದ್ದಾಗ ಹಿಂದಿನಿಂದ ಅತೀ ವೇಗದಲ್ಲಿ ಬಂದ ಕಾರು ಡಿಕ್ಕಿ ಹೊಡೆದಿದ್ದು , ಬೈಕ್ ಮತ್ತು ಕಾರನ್ನು ರಸ್ತೆಗೆ ಎಸೆಯಲ್ಪಟ್ಟಿತ್ತು . ಗಂಭೀರ ಗಾಯಗೊಂಡ ಸುಹೈಲ್ ನನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿತ್ತು . ಅಪಘಾತಕ್ಕೆ ಕಾರಣವಾದ ಕಾರನನ್ನು ಪೊಲೀಸರು ವಶಕ್ಕೆ ತೆಗೆದುಕೊಂಡಿದ್ದಾರೆ. ವಿದ್ಯಾನಗರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ .