ಮಂಗಳೂರು: ಮನೆಮುಂದೆ ನಿಲ್ಲಿಸಿದ ಆಟೋ ಸುಟ್ಟು ಕರಕಲು- ಕಿಡಿಗೇಡಿಗಳ ಕೃತ್ಯದ ಶಂಕೆ

•   Sun, Dec 31 2017 11:51:22 AM



• 
  ಮಂಗಳೂರು ಡಿ 31: ಮನೆಯ ಮುಂದೆ ನಿಲ್ಲಿಸಿದ ಆಟೋ ರಿಕ್ಷಾಕ್ಕೆ ಕಿಡಿಗೇಡಿಗಳು ಬೆಂಕಿ ಹಚ್ಚಿ, ರಿಕ್ಷಾ ಸಂಪೂರ್ಣ ಬೆಂಕಿಗೆ ಆಹುತಿಯಾದ ಘಟನೆ ಡಿ 30 ರ ಶನಿವಾರ ತಡರಾತ್ರಿ ನಗರದ ಕುಂಪಲ ಎಂಬಲ್ಲಿ ನಡೆದಿದೆ. ಕುಂಪಲ ನಿವಾಸಿ ಸ್ಟೇನಿ ವೇಗಸ್ ಅವರು ಈ ರಿಕ್ಷಾದ ಚಾಲಕ ಹಾಗೂ ಮಾಲೀಕರಾಗಿದ್ದು ಎಂದಿನಂತೆ ಕೆಲಸ ಮುಗಿಸಿ ರಿಕ್ಷಾ ಮನೆಯ ಮುಂದೆ ನಿಲ್ಲಿಸಿದ್ದಾರೆ. ಆದರೆ ನಿನ್ನೆ ಯಾರೋ ದುಷ್ಕರ್ಮಿಗಳು ರಿಕ್ಷಾಕ್ಕೆ ಬೆಂಕಿ ಹಚ್ಚಿದ್ದಾರೆ ಎಂದು ತಿಳಿದುಬಂದಿದೆ. ಈ ಬಗ್ಗೆ ತಕ್ಷಣ ಉಳ್ಳಾಲ ಪೊಲೀಸ್ ಠಾಣೆಗೆ ಮಾಹಿತಿ ರವಾನಿಸಿದ್ದಾರೆ. ಸ್ಥಳಗೆ ಎ.ಸಿ.ಪಿ ಭೇಟಿ ನೀಡಿದ್ದು ಹೆಚ್ಚಿನ ಮಾಹಿತಿ ಕಲೆಹಾಕುತ್ತಿದ್ದಾರೆ .