ಡಿ. 3 ರಿಂದ ಉಡುಪಿಯಲ್ಲಿ ಬಾಬಾ ರಾಮ್ ದೇವ್ ರಿಂದ ಯೋಗ ಶಿಬಿರ

•   Tue, Sep 24 2019 10:58:34 AM



• ಉಡುಪಿ, ಸೆ 24 (Daijiworld News/MSP): ಪರ್ಯಾಯ ಶ್ರೀ ಪಲಿಮಾರು ಮಠ, ಶ್ರೀ ಕೃಷ್ಣ ಮಠದ ಆಶ್ರಯದಲ್ಲಿ ಹರಿದ್ವಾರದ ಪತಂಜಲಿ ಯೋಗ ಸಮಿತಿ ಆಶ್ರಯದಲ್ಲಿ ಅಂತಾರಾಷ್ಟ್ರೀಯ ಖ್ಯಾತಿಯ ಯೋಗ ಗುರು ಬಾಬಾ ರಾಮ್ ದೇವ್ ರಿಂದ ಡಿ. 3 ರಿಂದ 7  ರವರೆಗೆ ಉಚಿತ ಯೋಗ ಸಿಬಿರ ಶ್ರೀ ಕೃಷ್ಣ ಮಠದ ಪಾರ್ಕಿಂಗ್ ಏರಿಯಾದಲ್ಲಿ ನಡೆಯಲಿದೆ ಎಂದು ಪರ್ಯಾಯ ಪಲಿಮಾರು ಮಠದ ಶ್ರೀ ವಿದ್ಯಾಧೀಶ ತೀರ್ಥ ಶ್ರೀ ಪಾದರು ಸೋಮವಾರ ಸುದ್ದಿಗೋಷ್ಟಿಯಲ್ಲಿ ತಿಳಿಸಿದರು.

  

  2011ರಲ್ಲಿ ಎಂಜಿಎಂ ಕಾಲೇಜು ಮೈದಾನದಲ್ಲಿ ರಾಮ್‌ದೇವ್‌ ಅವರಿಂದ ಒಂದು ದಿನದ ಯೋಗ ಶಿಬಿರ ನಡೆದಿತ್ತು. ಈ ಬಾರಿ 5 ದಿನಗಳ ಕಾಲ ನಡೆಯುವ ಬೃಹತ್‌ ಶಿಬಿರದಲ್ಲಿ ಸುಮಾರು 30,000 ಶಿಬಿರಾರ್ಥಿಗಳು ಪಾಲ್ಗೊಳ್ಳುವ ನಿರೀಕ್ಷೆ ಇದೆ ಎಂದರು.

  ಜಿಲ್ಲೆಯಾದ್ಯಂತ 101 ಶಿಬಿರಗಳು

  ಪತಂಜಲಿ ಯೋಗ ಪೀಠದ ರಾಜ್ಯ ಪ್ರಭಾರಿ ಭವರಲಾಲಾಜಿ ಆರ್ಯ ಅವರು ಮಾತನಾಡಿ ಬೃಹತ್‌ ಯೋಗ ಶಿಬಿರದ ಪೂರ್ವಭಾವಿಯಾಗಿ ಜಿಲ್ಲೆಯಾದ್ಯಂತ 101 ಶಿಬಿರಗಳು ನಡೆಯಲಿವೆ. ಬೆಳಗ್ಗೆ ೭ ಗಂಟೆಯ ಬಳಿಕ ಮಹಿಳೆಯರು ಹಾಗೂ ವಿದ್ಯಾರ್ಥಿಗಳಿಗೆ ವಿಶೇಷ ಶಿಬಿರ ಹಮ್ಮಿಕೊಳ್ಳಲಾಗಿದೆ ಎಂದು ಮಾಹಿತಿ ನೀಡಿದರು.