ಮಂಗಳೂರು: ಕೋಚಿಂಗ್ ಕ್ಲಾಸ್ ಗೆ ತೆರಳಿದ್ದ ಯುವತಿ ನಾಪತ್ತೆ

•   Fri, Oct 04 2019 11:32:31 PM



• ಮಂಗಳೂರು, ಅ 04 (DaijiworldNews/SM): ತೆಂಕ ಎಕ್ಕಾರು ಗ್ರಾಮದ ಹುಣ್ಸೆಕಟ್ಟೆಯ ಯುವತಿಯೊಬ್ಬಳು ನಾಪತ್ತೆಯಾಗಿರುವ ಬಗ್ಗೆ ವರದಿಯಾಗಿದೆ. ಅ.2 ರಂದು ಮಂಗಳೂರಿನ ಕೆ.ಎಸ್. ರಾವ್ ರಸ್ತೆಯ ಆಕಾಶ್ ನೀಟ್ ಕೋಚಿಂಗ್ ಸೆಂಟರ್ ಹತ್ತಿರದ ಗ್ರಂಥಾಲಯಕ್ಕೆ ಹೋಗಿ ಬರುತ್ತೇನೆಂದು ಮನೆಯಲ್ಲಿ ಹೇಳಿ ಹೋಗಿದ್ದ ಯುವತಿ ಮರಳಿ ಬಾರದೆ ನಾಪತ್ತೆಯಾಗಿದ್ದಾಳೆ.

  

  ಕೊಚಿಂಗ್ ಕ್ಲಾಸ್‌ನಲ್ಲಿ ಕಲಿಯುತ್ತಿರುವ ವಿಷಯದ ಬಗ್ಗೆ ಚರ್ಚಿಸಿ ಬರುತ್ತೇನೆ. ಅಲ್ಲಿಗೆ ತನ್ನ ಸ್ನೇಹಿತರು ಕೂಡ ಬರುತ್ತಾರೆ ಎಂದು ಮನೆಯಿಂದ ಹೊರಡುವಾಗ ಆಕೆ ತಿಳಿಸಿದ್ದಳು. 

  ಇದೀಗ ಆಕೆಯ ಬಗ್ಗೆ ಖಾಸಗಿ ಕೋಚಿಂಗ್ ಸೆಂಟರ್ ಜೆಇಇ, ಐಐಟಿನಲ್ಲಿ ಮತ್ತು ಆಕೆಯ ಸ್ನೇಹಿತರಲ್ಲಿ ವಿಚಾರಿಸಿ ಎಲ್ಲ ಕಡೆ ಹುಡುಕಾಡಿದರೂ ಪತ್ತೆಯಾಗಿಲ್ಲ.

  ಈ ಹಿನ್ನೆಲೆಯಲ್ಲಿ ಆಕೆಯ ಪೋಷಕರು ಬಜ್ಪೆ ಪೊಲೀಸ್ ಠಾಣೆಯ ಮಟ್ಟೆಲೇರಿದ್ದು, ನಾಪತ್ತೆಯಾಗಿರುವ ಕುರಿತಂತೆ ದೂರು ದಾಖಲಿಸಿದ್ದಾರೆ. ಯುವತಿಯ ಪತ್ತೆಗೆ ಪೊಲೀಸರು ಶೋಧ ಕಾರ್ಯ ಆರಂಭಿಸಿದ್ದಾರೆ.