ಕುಂದಾಪುರ: ರೈಲು ಹಳಿಯಲ್ಲಿ ಮಹಿಳೆಯ ಮೃತದೇಹ ಪತ್ತೆ-ಆತ್ಮಹತ್ಯೆ ಶಂಕೆ

•   Thu, Oct 10 2019 09:07:40 PM



• ಕುಂದಾಪುರ, ಅ 10 (DaijiworldNews/SM): ರೈಲ್ವೆ ಹಳಿಯ ಮೇಲೆ ಮಹಿಳೆಯ ಶವ ಪತ್ತೆಯಾದ ಘಟನೆ ತೆಕ್ಕಟ್ಟೆ ಕೇದೂರು ಬಳಿ ನಡೆದಿದೆ. ಮೃತರನ್ನು ಕೆದೂರು ಶಾಲೆ ಸಮೀಪದ ಒಳಗಿನಪಾಲು ಮನೆ ನಿವಾಸಿ ಗಿರಿಜಮ್ಮ ಶೆಟ್ಟಿ(72) ಎಂದು ಗುರುತಿಸಲಾಗಿದೆ.

  

  ರೈಲು ಡಿಕ್ಕಿ ಹೊಡೆದು ಮಹಿಳೆ ಮೃತಪಟ್ಟಿದ್ದಾರೆ ಎಂದು ತಿಳಿದುಬಂದಿದೆ. ರೈಲು ಡಿಕ್ಕಿ ಹೊಡೆದ ರಭಸಕ್ಕೆ ಮಹಿಳೆಯ ಮೃತದೇಹ ಛಿದ್ರಗೊಂಡಿದೆ. ಸಂಜೆಯ ತನಕ ಹರಸಾಹಸ ಪಟ್ಟು ಕೋಟ ಠಾಣಾ ಪೊಲೀಸರು ಮೃತದೇಹದ ಗುರುತು ಪತ್ತೆ ಹಚ್ಚಿದ್ದಾರೆ.

  ಇನ್ನು ಅನಾರೋಗ್ಯದಿಂದ ಬಳಲುತ್ತಿದ್ದ ಗಿರಿಜಮ್ಮ ಮಾನಸಿಕವಾಗಿ ನೊಂದು ರೈಲಿನಡಿ ತಲೆ ಇಟ್ಟು ಆತ್ಮಹತ್ಯೆ ಮಾಡಿಕೊಂಡಿರಬಹುದೆಂದು ಶಂಕಿಸಲಾಗಿದೆ.

  ಘಟನೆಯ ಕುರಿತಂತೆ ಕೋಟ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.