ಸುಳ್ಯ: ಅಡ್ಕಾರು ಬಳಿ ಭೀಕರ ಅಪಘಾತ - ಇಬ್ಬರ ಸಾವು

•   Fri, Oct 11 2019 07:31:59 PM



• ಸುಳ್ಯ, ಅ 11 (Daijiworld News/MSP): ಬಸ್ ಮತ್ತು ಇನ್ನೋವಾ ನಡುವೆ ಅಪಘಾತ ನಡೆದು ಇನ್ನೋವಾದಲ್ಲಿದ್ದ ಇಬ್ಬರು ಸಾವನ್ನಪ್ಪಿರುವ ದಾರುಣ ಘಟನೆ ಮಾಣಿ – ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಅಡ್ಕಾರು ಸಮೀಪದ ಮಾವಿನಕಟ್ಟೆ ಬಳಿ ಅ. 11 ರ ಶುಕ್ರವಾರ ಸಂಜೆ ನಡೆದಿದೆ.

  

  

  

  KA 22 N.7974 ನೋಂದಣಿ ಸಂಖ್ಯೆಯ ಇನ್ನೋವಾ ಕಾರು ಸುಳ್ಯ ಕಡೆಯಿಂದ ಮಂಗಳೂರು ಕಡೆಗೆ ಹೋಗುತ್ತಿತ್ತು. ಕೇರಳ ನೋಂದಣಿ ಬಸ್ ಸುಳ್ಯದ ಕಡೆಗೆ ಬರುತ್ತಿತ್ತು.

  ಮೃತಪಟ್ಟವರನ್ನು ಬಂಟ್ವಾಳ ತಾಲೂಕಿನ ಕೆದಿಲ ಕಂಪ ನಿವಾಸಿ ಅಬ್ದುಲ್ ಖಾದರ್ ರವರ ಪುತ್ರ ಮಜೀದ್ ( 32 ) ಮತ್ತು ಪುತ್ತೂರು ತಾಲೂಕು ಕಬಕ ನಿವಾಸಿ ಉಮ್ಮರ್ ಅವರ ಪುತ್ರ ಮಹಮ್ಮದ್ ಸಾದಿಕ್ ( 31 ) ಎಂದು ಗುರುತಿಸಲಾಗಿದೆ. ನಾಲ್ವರಿಗೆ ತೀವ್ರ ಗಾಯಗಳಾಗಿವೆ.

  ಮೃತದೇಹವನ್ನು ಸುಳ್ಯ ಸರಕಾರಿ ಆಸ್ಪತ್ರೆಗೆ ಅಂಬ್ಯುಲೆನ್ಸ್‌ ಮೂಲಕ ರವಾನಿಸಲಾಗಿದೆ . ಕಳೆದ ವಾರ ಇದೇ ಸ್ಥಳದಲ್ಲಿ ಅಪಘಾತ ಸಂಭವಿಸಿ ನಾಲ್ವರು ಸಾವನ್ನಪ್ಪಿದ್ದರು.