ಮಂಗಳೂರು, ಜ 5: ವಿಶ್ವಮಟ್ಟದಲ್ಲಿ ಗುರುತಿಸಿಕೊಂಡಿರುವ ದಾಯ್ಜಿವರ್ಲ್ಡ್ ವಾಹಿನಿಯಲ್ಲಿ " ಕಾಪಿಕಾಡ್ ಕಾಮಿಡಿ ವರ್ಲ್ಡ್ " ಮನೋರಂಜನ ಕಾರ್ಯಕ್ರಮದ ಎರಡನೇ ಆವೃತ್ತಿ ಪ್ರೇಕ್ಷಕರ ಒತ್ತಾಯದ ಮೇರೆಗೆ ವಿಭಿನ್ನ ರೀತಿಯಲ್ಲಿ ಮತ್ತೊಮ್ಮೆ ಪ್ರಸಾರವಾಗಲಿದೆ.
![](https://daijiworld.ap-south-1.linodeobjects.com/iWeb/tvdaijiworld/img_tv247/kcw.JPG)
![](https://daijiworld.ap-south-1.linodeobjects.com/iWeb/tvdaijiworld/img_tv247/kcw 2.JPG)
ಮಾಧ್ಯಮ ಕ್ಷೇತ್ರದಲ್ಲಿ ಸಂಚಲನ ಮೂಡಿಸಿದ ಟಿವಿ ವಾಹಿನಿ ದಾಯ್ಜಿವರ್ಲ್ಡ್. ಮೂರುವರೆ ವರುಷಗಳನ್ನು ಯಶಸ್ವಿಯಾಗಿ ಪೂರೈಸಿರುವ ದಾಯ್ಜಿವರ್ಲ್ಡ್ 24*7 ವಾಹಿನಿ ಕರಾವಳಿಯ ಜನತೆಯ ನಾಡಿಮಿಡಿತವಾಗಿದೆ. ಕರಾವಳಿಯಲ್ಲಿರುವ ಸುದ್ದಿ ಮತ್ತು ಮನೋರಂಜನಾ ವಾಹಿನಿಯಲ್ಲಿ ಅಗ್ರಸ್ಥಾನದಲ್ಲಿರುವ ವಾಹಿನಿಗಳಲ್ಲಿ ದಾಯ್ಜಿವಲ್ಡ್ ವಾಹಿನಿಯೂ ಒಂದು. ಅದಕ್ಕೆ ಕಾರಣ ದಾಯ್ಜಿವಲ್ಡ್ ವಾಹಿನಿಯಲ್ಲಿ ಪ್ರಸಾರವಾಗುತ್ತಿರುವ ಹತ್ತು ಹಲವು ಕಾರ್ಯಕ್ರಮಗಳು. ದಾಯ್ಜಿವರ್ಲ್ಡ್ 24*7 ಸುದ್ದಿಯ ಜೊತೆಗೆ ಮನೋರಂಜನೆಯ ಕಾರ್ಯಕ್ರಮವನ್ನು ನೀಡುತ್ತಾ ಕರಾವಳಿ ಮಾತ್ರವಲ್ಲ ವಿಶ್ವಮಟ್ಟದಲ್ಲಿ ಸದ್ದು ಮಾಡಿರುವ ಕರಾವಳಿಯ ಪ್ರತಿಷ್ಠಿತ ಟಿವಿ ವಾಹಿನಿಯಾಗಿದೆ.
ಈ ಹಿಂದೆ ದಾಯ್ಜಿವರ್ಲ್ಡ್ ವಾಹಿನಿಯಲ್ಲಿ "ಕಾಪಿಕಾಡ್ ಕಾಮಿಡಿ ವರ್ಲ್ಡ್" ಅನ್ನುವ ಕಾರ್ಯಕ್ರಮ ಪ್ರಸಾರವಾಗುತ್ತಿತ್ತು. ಈ ಕಾರ್ಯಕ್ರಮದಲ್ಲಿ ರಂಗಭೂಮಿಯ ಹಾಸ್ಯ ದಿಗ್ಗಜರಾದ ನವೀನ್ ಡಿ ಪಡೀಲ್, ಭೋಜರಾಜ್ ವಾಮಂಜೂರು, ದೇವದಾಸ್ ಕಾಪಿಕಾಡ್, ಅರವಿಂದ್ ಬೋಳಾರ್ ಪ್ರೇಕ್ಷಕರಿಗೆ ಹಾಸ್ಯದ ರಸದೌತನವನ್ನು ನೀಡಿದ್ದರು. ವಿಶೇಷ ಅಂದ್ರೆ ಸಾಮಾಜಿಕ ಜಾಲತಾಣಗಳಲ್ಲಿ ಈ ಕಾರ್ಯಕ್ರಮಕ್ಕೆ ಅನೇಕ ಜನರಿಂದ ಮೆಚ್ಚುಗೆ ವ್ಯಕ್ತವಾಗಿತ್ತು.
ಈಗಾಗಲೇ ಕಾಪಿಕಾಡ್ ಕಾಮಿಡಿ ವರ್ಲ್ಡ್ ಕಾರ್ಯಕ್ರಮದ ಬದುಕ್ ಪಿಟ್ಕ್ ಬಂಡಿ ಅನ್ನುವ ಸಂಚಿಕೆಯನ್ನು ಯೂಟ್ಯೂಬ್ ನಲ್ಲಿ 10 ಲಕ್ಷಕ್ಕೂ ಮಿಕ್ಕಿ ಜನರು ವೀಕ್ಷಿಸಿದ್ದು, ತುಳುನಾಡಿನಲ್ಲಿ ಭಾರಿ ಹವಾ ಕ್ರಿಯೇಟ್ ಮಾಡಿದೆ.
ಇದೀಗ " ಕಾಪಿಕಾಡ್ ಕಾಮಿಡಿ ವರ್ಲ್ಡ್ " ಎರಡನೇ ಆವೃತ್ತಿ ನಿಮ್ಮ ನೆಚ್ಚಿನ ದಾಯ್ಜಿವರ್ಲ್ಡ್ ವಾಹಿನಿಯಲ್ಲಿ ಮತ್ತೊಮ್ಮೆ ಪ್ರಸಾರವಾಗಲಿದೆ. ಪ್ರೇಕ್ಷಕರಿಗೆ ಭರಪೂರ ಮನೋರಂಜನೆ ನೀಡಲು ಅತೀ ಶೀಘ್ರದಲ್ಲಿ ದೇವದಾಸ್ ಕಾಪಿಕಾಡ್ ನೇತೃತ್ವದ ರಂಗಭೂಮಿಯ ಹಾಸ್ಯ ದಿಗ್ಗಜರು ಮತ್ತೊಮ್ಮೆ ನಿಮ್ಮ ಮುಂದೆ ಬರಲಿದ್ದಾರೆ.