ವಿಟ್ಲ: ಟ್ರ್ಯಾಕ್ಟರ್‌ ಚಕ್ರಕ್ಕೆ ಸಿಲುಕಿ ಬಾಲಕ ಸಾವು

•   Wed, Oct 16 2019 10:00:41 AM



• ವಿಟ್ಲ, ಅ 16 (Daijiworld News/MSP): ಚಲಿಸುತ್ತಿದ್ದ ಟ್ರ್ಯಾಕ್ಟರ್‌ನಿಂದ ಬಿದ್ದು, ಅದರ ಚಕ್ರಕ್ಕೆ ಸಿಲುಕಿದ ವ್ಯಕ್ತಿ ಚಿಕಿತ್ಸೆ ಫಲಕಾರಿಯಾಗದೆ ಮೃತಪಟ್ಟ ಘಟನೆ ಮಂಗಳವಾರ ನಡೆದಿದೆ.

  

  ಸಾಂದರ್ಭಿಕ ಚಿತ್ರ

  ಒರಿಸ್ಸಾ ಮೂಲಕ ಮುಕುಟ್ ಟಿರ್ಕಿ (16) ಅವರು ಮೃತ ವ್ಯಕ್ತಿಯಾಗಿದ್ದಾರೆ. ವಿಟ್ಲ ಮೂಡ್ನೂರು ಗ್ರಾಮದ ಪೈಸಾರಿ ಎಂಬಲ್ಲಿ ಅಜ್ಜಿನಡ್ಕ ಚಂದಳಿಕೆ ರಸ್ತೆಯಲ್ಲಿ ಯಂತ್ರೋಪಕರಣವಾದ ಕಂಪ್ರೆಷರ್ ಟ್ರಾಕ್ಟರ್ ಅನ್ನು ಅದರ ಚಾಲಕ ರಘು ಬಿಟ್ಟುಕೊಂಡು ಹೋಗುವ ಸಮಯದಲ್ಲಿ ಈತ ಟೂಲ್ಸ್ ಬಾಕ್ಸ್ ಮೇಲೆ ಕುಳಿತಿದ್ದ ಎನ್ನಲಾಗಿದೆ. ಆಯ ತಪ್ಪಿ ಟ್ರಾಕ್ಟರ್ ನಿಂದ ಕೆಳಗೆ ಬಿದ್ದು ಹಿಂಬದಿ ಚಕ್ರ ಚಲಿಸಿದ ಪರಿಣಾಮ ತಲೆಗೆ ಹಾಗೂ ಕಾಲುಗಳಿಗೆ ಗಂಭೀರ ಗಾಯ ಗೊಂಡು ದೇರಳಕಟ್ಟೆ ಕೆ ಎಸ್ ಹೆಗಡೆ ಆಸ್ವತ್ರೆಯಲ್ಲಿ ಚಿಕ್ಸಿತೆ ಪಡೆಯುತ್ತಿದ್ದರೂ ಪ್ರಯೋಜನವಾಗದೆ ಮೃತ ಪಟ್ಟ ಬಗ್ಗೆ ವಿಟ್ಲ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.