ಕಾರ್ಕಳ: ಮನೆಗೆ ನುಗ್ಗಿ ನಗ ನಗದು ದರೋಡೆ

•   Tue, Oct 22 2019 07:30:19 PM



• ಕಾರ್ಕಳ, ಅ 22 (DaijiworldNews/SM): ಇಲ್ಲಿನ ಕುಕ್ಕುಂದೂರು ಗ್ರಾಮದ ಅಯ್ಯಪ್ಪನಗರದ ಮನೆಯೊಂದಕ್ಕೆ ನುಗ್ಗಿದ ಕಳ್ಳರು ಬೆಳ್ಳಿ, ಚಿನ್ನ ಹಾಗೂ ನಗದು ಎಗರಿಸಿದ ಘಟನೆ ಮಂಗಳವಾರ ನಸುಕಿನ ಜಾವದಲ್ಲಿ ನಡೆದಿದೆ. ಗುರುಪ್ರಸಾದ್ ಭಟ್ ಎಂಬವರು ಪ್ರಕರಣ ಸಂಬಂಧ ಪೊಲೀಸರಿಗೆ ದೂರು ನೀಡಿದ್ದಾರೆ.

  

  ಮನೆಯ ಹಿಂಬದಿ ಬಾಗಿಲಿನ ಚಿಲಕವನ್ನು ಯಾವುದೋ ಸಾಧನ ಬಳಸಿಕೊಂಡು ಬಾಗಿಲಿನ ಸಮೀಪದಲ್ಲಿರುವ ಕಿಟಕಿ ಮೂಲಕ ತೆಗೆದು ಮನೆಯೊಳಗೆ ಪ್ರವೇಶಿಸಿದ್ದಾರೆ. ಹಾಗೂ ಮನೆಯ ಕಪಾಟಿನಲ್ಲಿರಿಸಿದ್ದ ಸುಮಾರು ೪ ಗ್ರಾಂ ತೂಕದ ಒಂದು ಜೊತೆ ಚಿನ್ನದ ಬೆಂಡೋಲೆ, ಸುಮಾರು ಒಂದು ಗ್ರಾಂ ತೂಕದ ಕಿವಿಗೆ ಹಾಕುವ ಒಂದು ಚಿನ್ನದ ಕುಡ್ಪು ಹಾಗೂ ಸುಮಾರು ಒಂದು ಗ್ರಾಂ ತೂಕದ ಮೂಗುತಿ ಹಾಗೂ ಕಪಾಟಿನಲ್ಲಿ ಬಟ್ಟೆಯಲ್ಲಿ ಕಟ್ಟಿ ಇರಿಸಿದ್ದ ಬೆಳ್ಳಿಯ ಪೂಜಾ ಸಾಮಾಗ್ರಿಗಳನ್ನು ಕಳಾವುಗೈಯಲಾಗಿದೆ. ಅಲ್ಲದೆ ಸೇಪ್ ಲಾಕರಿನಲ್ಲಿರಿಸಿದ್ದ ಸುಮಾರು 500 ನಾಣ್ಯಗಳು ಕಳವುಗೈಯಲಾಗಿದೆ ಎಂದು ತಿಳಿದುಬಂದಿದೆ.

  ಕಳವಾದ ಚಿನ್ನಾಭರಣದ ಮೌಲ್ಯ ರೂಪಾಯಿ 12,000 ಬೆಳ್ಳಿ ಸಾಮಾಗ್ರಿಗಳ ಮೌಲ್ಯ ರೂಪಾಯಿ 11,500 ಆಗಬಹುದು ಎಂದು ಅಂದಾಜಿಸಲಾಗಿದೆ.

  ಘಟನೆಯ ಕುರಿತು ನಗರ ಠಾಣೆಯಲ್ಲಿ ಕೇಸು ದಾಖಲಾಗಿದೆ.