ಮಟ್ಕಾ ಜೂಜಾಟ ಅಡ್ಡೆ ಮೇಲೆ ದಾಳಿ - ಮೂವರ ಬಂಧನ

•   Thu, Oct 31 2019 10:18:35 AM



• ಮಂಗಳೂರು, ಅ.31(Daijiworld News/SS): ಮಟ್ಕಾ ಜೂಜಾಡುತ್ತಿದ್ದ ಮೂವರನ್ನು ಕಾವೂರು ಪೊಲೀಸರು ಬಂಧಿಸಿರುವ ಘಟನೆ ವರದಿಯಾಗಿದೆ.

  

  ಅನಿಲ್ ಕುಮಾರ್, ಅಝೀಝ್ ಮತ್ತು ಠಾಕಪ್ಪ ಬಂಧಿತ ಆರೋಪಿಗಳು.

  ನಗರದ ಕಾವೂರು ಟವರ್ಸ್‌ ಕಟ್ಟಡದಲ್ಲಿರುವ ಗೋಲ್ಡನ್ ಟ್ರೇಡರ್ಸ್‌ ಎಂಬ ಹೆಸರಿನ ಅಂಗಡಿಯಲ್ಲಿ ಈ ಮೂವರು ಮಟ್ಕಾ ಜೂಜಾಡುತ್ತಿದ್ದರು. ಎಸ್ಸೈ ಹರೀಶ್ ಎಚ್‌ವಿ ತನ್ನ ಸಿಬ್ಬಂದಿಗಳೊಂದಿಗೆ ಇಲಾಖಾ ವಾಹನದಲ್ಲಿ ರೌಂಡ್ಸ್ ಮಾಡುತ್ತಿದ್ದ ವೇಳೆ ಗೋಲ್ಡನ್ ಟ್ರೇಡರ್ಸ್‌ ಅಂಗಡಿಯಲ್ಲಿ ವ್ಯಕ್ತಿಯೊಬ್ಬರು ಸಾರ್ವಜನಿಕರಿಂದ ಹಣ ಪಡೆದು ಅದೃಷ್ಟದ ಮಟ್ಕಾ ಜೂಜಾಟ ನಡೆಸುತ್ತಿರುವುದನ್ನು ಕಂಡು ದಾಳಿ ನಡೆಸಿದರು. ಈ ವೇಳೆ ಮೂವರನ್ನು ಬಂಧಿಸಲಾಗಿದೆ.

  ಬಂಧಿತರಿಂದ 1,790 ರೂ. ವಶಪಡಿಸಿಕೊಂಡು ಕಾನೂನು ಕ್ರಮ ಜರುಗಿಸಿದ್ದಾರೆ.