ಉಡುಪಿ: ಮನೆ ಕೆಲಸದಾಕೆಯ ಮೇಲೆ ಸೌದೆಯಿಂದ ಹಲ್ಲೆ ನಡೆಸಿದ ಮನೆಯೊಡತಿ

•   Mon, Nov 04 2019 07:27:28 PM



• ಉಡುಪಿ, ನ 04(DaijiworldNews/SM): ಮನೆಗೆಲಸದಾಕೆಯ ಮೇಲೆ ಮಾರಣಾಂತಿಕ ಹಲ್ಲೆ ನಡೆಸಿರುವ ಘಟನೆಯೊಂದು ಉಡುಪಿ ಜಿಲ್ಲೆಯ ಉದ್ಯಾವರದ ಬೋಳಾರ್ ಗುಡ್ಡೆಯಲ್ಲಿ ನಡೆದಿದೆ.

  

  ಸರಸ್ವತಿ ಎಂಬಾಕೆ ಹಲ್ಲೆಗೊಳಗಾದ ಯುವತಿ. ಉತ್ತರ ಕನ್ನಡ ಜಿಲ್ಲೆಯ ಗೋಕರ್ಣ ಮೂಲದ ಸೌಮ್ಯ ಕ್ರೌರ್ಯ ತೋರಿದ ಮನೆಯೊಡತಿ. ಶಿರಸಿ ಮೂಲದ ಸರಸ್ವತಿ ಎರಡು ತಿಂಗಳಿಂದ ಸೌಮ್ಯ ಎಂಬವರ ಮನೆಯಲ್ಲಿ ಕೆಲಸಕ್ಕಿದ್ದರು. ಆದರೆ ಕೆಲಸದಾಕೆಗೆ ಮನೆಯೊಡತಿ ನಯಾಪೈಸೆಯನ್ನೂ ಕೂಡ ನೀಡುತ್ತಿರಲಿಲ್ಲ.

  ಈ ನಡುವೆ ಮನೆಯೊಡತಿ ಕೆಲಸದಾಕೆಯ ಮೇಲೆ ಸೌದೆಯಿಂದ ಹಲ್ಲೆ ನಡೆಸಿದ್ದಾರೆ. ಘಟನೆಯಲ್ಲಿ ಸರಸ್ವತಿಯ ಕೈ, ಕಾಲುಗಳಿಗೆ ಗಾಯಗಳಾಗಿದೆ. ಮಾತ್ರವಲ್ಲದೆ, ಬೆನ್ನಿಗೆ ಬೆಂಕಿ ತಾಗಿಸಿ ಗಾಯಗೊಳಿಸಿದ್ದಾಳೆ.

  ಗಾಯಗೊಂಡಿರುವ ಸರಸ್ವತಿ ಎಂಬವರನ್ನು ಅಜ್ಜರಕಾಡು ಸರ್ಕಾರಿ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಕಾಪು ಠಾಣಾ ವ್ಯಾಪ್ತಿಯಲ್ಲಿ ಪ್ರಕರಣ ದಾಖಲಾಗಿದೆ.