ಕಾಸರಗೋಡು: ಕಾರು ಡಿಕ್ಕಿ ಹೊಡೆದು ನಾಲ್ವರಿಗೆ ಗಾಯ-ಓರ್ವ ಗಂಭೀರ

•   Mon, Nov 18 2019 10:13:29 AM



• ಕಾಸರಗೋಡು, ನ 18 (Dijiworld News/MB): ವಿವಾಹ ಸಮಾರಂಭದ ಮೆರವಣಿಗೆಯ ವಾಹನಗಳೆಡೆಗೆ ಅತೀ ವೇಗದಿಂದ ಬಂದ ಕಾರು ಡಿಕ್ಕಿ ಹೊಡೆದು ನಾಲ್ವರು ಗಾಯಗೊಂಡ ಘಟನೆ ಕಾಸರಗೋಡಿನ ಮಯ್ಯಿಚ್ಚಿ ಎಂಬಲ್ಲಿ ನಡೆದಿದೆ.

  

  ಅಪಘಾತದಿಂದ ನಾಲ್ವರು ಗಾಯಗೊಂಡಿದ್ದು , ಅಖಿಲೇಶ್ , ಅಮೃತ್ ರಾಜ್ , ಜಿತ್ತು , ಅನಿಲ್ ಕುಮಾರ್ ಎಂದು ಗುರುತಿಸಲಾಗಿದೆ.

  ಗಾಯಾಳುಗಳನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಓರ್ವನ ಸ್ಥಿತಿ ಗಂಭೀರ ವಾಗಿದೆ.

  ಮಯ್ಯಿಚ್ಚಿಯ ಸಭಾಂಗಣವೊಂದರಲ್ಲಿ ನಡೆದ ವಿವಾಹದ ಬಳಿಕ ವಧು -ವರರನ್ನು ಕಾರ್ಯಂಗೊಡಿನಲ್ಲಿರುವ ಮನೆಗೆ ವಾಹನ ಮೆರವಣಿಗೆ ಮೂಲಕ ಕರೆದುಕೊಡು ಬರುತ್ತಿದ್ದಾಗ ಅಪಘಾತ ನಡೆದಿದೆ. ಒಳರಸ್ತೆಯಿಂದ ಮುಖ್ಯರಸ್ತೆಗೆ ಬೈಕ್ ಗಳು ಮುನ್ನುಗ್ಗುತ್ತಿದ್ದಂತೆ ಅತೀವೇಗದಿಂದ ಬಂದ ಕಾರು ಡಿಕ್ಕಿ ಹೊಡೆದಿದ್ದು, ಬೈಕ್ ಸವಾರರು ಮೀಟರ್ ಗಳಷ್ಟು ದೂರಕ್ಕೆ ಎಸೆಯಲ್ಪಟ್ಟಿದ್ದಾರೆ.