ಮಂಗಳೂರು: ಪ್ರವಾಸಕ್ಕೆ ಹೊರಟಿದ್ದ ಬಾಲಕ ಅಪಘಾತದಲ್ಲಿ ಸಾವು

•   Sun, Nov 24 2019 10:07:02 PM



• ಮಂಗಳೂರು, ನ 24(DaijiworldNews/SM): ಸ್ಕೂಟರ್ ಹಾಗೂ ಕಾರು ಅಪಘಾತದಲ್ಲಿ ಶಾಲಾ ಬಾಲಕ ಮೃತಪಟ್ಟ ಘಟನೆ ಕಾರ್ಕಳದಿಂದ ಮೂಡುಬಿದಿರೆಗೆ ತೆರಳುವ ರಸ್ತೆ ಮಧ್ಯೆ ನಡೆದಿದೆ.

  

  ಕಾರ್ಕಳ ನಿವಾಸಿ ಸಾದಿಲ್ ಎಂಬವರ ಪುತ್ರ ಸಹಲ್ ಅಹ್ಮದ್(14) ಮೃತಪಟ್ಟ ಬಾಲಕನಾಗಿದ್ದಾನೆ. ಈತ ೮ನೇ ತರಗತಿ ವಿದ್ಯಾರ್ಥಿಯಾಗಿದ್ದಾನೆ ಎಂದು ತಿಳಿದುಬಂದಿದೆ. ಇನ್ನು ಅಪಘಾತದಲ್ಲಿ ಬಾಲಕನ ತಂದೆ ಗಾಯಗೊಂಡಿದ್ದು ಅವರನ್ನು ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ನ.25ರಂದು ಶಾಲೆ ವತಿಯಿಂದ ಪ್ರವಾಸ ಆಯೋಜಿಸಲಾಗಿತ್ತು. ಈ ಪ್ರವಾಸದಲ್ಲಿ ಭಾಗವಹಿಸಲು ಸಾದಿಕ್ ತಮ್ಮ ಪುತ್ರನನ್ನು ಶಾಲೆಗೆ ಬಿಡಲೆಂದು ತೆರಳುತ್ತಿದ್ದರು. ಈ ಸಂದರ್ಭದಲ್ಲಿ ಅಪಘಾತ ಸಂಭವಿಸಿದ್ದು, ಬಾಲಕ ಮೃತಪಟ್ಟಿದ್ದಾನೆ.

  ಘಟನೆಯ ಕುರಿತಂತೆ ಮೂಡುಬಿದಿರೆ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.