ಮಂಗಳೂರು: ನಿಷೇಧಿತ ಎಂಡಿಎಂಎ ಮಾರಾಟ - ಇಬ್ಬರ ಬಂಧನ

•   Wed, Nov 27 2019 10:06:53 AM



• ಮಂಗಳೂರು, ನ 27 (Daijiworld News/MSP): ನಗರದ ಎಕನಾಮಿಕ್ ನಾರ್ಕೋಟಿಕ್ಸ್ ಕ್ರೈಂ ಪೊಲೀಸರಿಗೆ ದೊರಕಿದ ಖಚಿತ ಮಾಹಿತಿ ಮೇರೆಗೆ, ದಾಳಿ ನಡೆಸಿ ಚಿಲಿಂಬಿಯಲ್ಲಿ ಕಾರಿನಲ್ಲಿ ಕುಳಿತು ನಿಷೇಧಿತ ಎಂಡಿಎಂಎ ಪೌಡರ್‌ ಮಾರಾಟ ಮಾಡಲು ಯತ್ನಿಸುತ್ತಿದ್ದ ಆರೋಪದ ಮೇಲೆ ಇಬ್ಬರನ್ನು ಬಂಧಿಸಿ ಸೊತ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ.

  

  ಬಂಧಿತರನ್ನು ಸುರತ್ಕಲ್ ಕೃಷ್ಣಾಪುರ ನಿವಾಸಿ ಮೊಹಮ್ಮದ್ ನಿಯಾಝ್(25), ಪಾಂಡೇಶ್ವರ ಅಮೃತನಗರ ನಿವಾಸಿ ಮೊಹಮ್ಮದ್ ಅಜೀಂ(30) ಬಂಧಿತ ಆರೋಪಿಗಳು.

  ಆರೋಪಿಗಳಿಂದ 4.80 ಗ್ರಾಂ ತೂಕದ ಎಂಡಿಎಂ ಪೌಡಲ್ , ಅಲ್ಟೋ ಕಾರು, 3 ಮೊಬೈಲ್ , 3 ಸಾವಿರ ನಗದು, ಸೇರಿದಂತೆ 2.08 ಲಕ್ಷ ರೂ. ಮೌಲ್ಯದ ಸೊತ್ತುಗಳನ್ನು ವಶಪಡಿಸಿಕೊಂಡಿದ್ದಾರೆ. ಆರೋಪಿಗಳಲ್ಲಿ ಮೊಹಮ್ಮದ್ ನಿಯಾಝ್ ಮೇಲೆ ಕೊಣಾಜೆ, ಉರ್ವ, ಸುರತ್ಕಲ್ ಠಾಣೆಗಳಲ್ಲಿ ಹಾಗೂ ಅಜೀಂ ಮೇಲೆ ಕದ್ರಿ ಸುರತ್ಕಲ್ ಠಾಣೆಗಳಲ್ಲಿ ಕ್ರಿಮಿನಲ್ ಪ್ರಕರಣ ದಾಖಲಾಗಿದೆ. ಆರೋಪಿಗಳು ನ.26ರ ಬೆಳಿಗ್ಗೆ 9.30 ಕ್ಕೆ ಉರ್ವಾ ಚಿಲಿಂಬಿ ಶಿರಡಿ ಸಾಯಿ ಮಂದಿರದ ಮೂಲಕ ಹಾದುಹೋಗುವ ರಸ್ತೆಯಲ್ಲಿ ತಮ್ಮ ಆಲ್ಟೊ ಕಾರಿನಲ್ಲಿ ನಿಷೇಧಿತ ಎಂಡಿಎಂಎ ಪೌಡರ್ ಮಾರಾಟ ಮಾಡಲು ಯತ್ನಿಸುತ್ತಿದ್ದರು ಎಂದು ತಿಳಿದುಬಂದಿದೆ.