ಕೂಳೂರು: ಸೇತುವೆಯಿಂದ ಕೆಳಕ್ಕೆ ಜಾರಿದ ಖಾಸಗಿ ಬಸ್ಸು- ತಪ್ಪಿದ ದುರಂತ

•   Mon, Jan 15 2018 10:54:50 AM



• ಮಂಗಳೂರು ಜ 15: ಸುರತ್ಕಲ್ ಕಡೆಯಿಂದ, ಮಂಗಳೂರು ಕಡೆಗೆ ಬರುತ್ತಿದ್ದ ಬಸ್ಸು, ಜ 15 ಸೋಮವಾರ ಮುಂಜಾನೆ ಕೂಳೂರುನ ಮೇಲ್ಸೆತುವೆ ಬಳಿ ನಿಯಂತ್ರಣ ತಪ್ಪಿ ಸೇತುವೆಯಿಂದ ಜಾರಿ ನಿಂತು , ಪ್ರಯಾಣಿಕರ ಆತಂಕಕ್ಕೆ ಕಾರಣವಾಯಿತು. ನಿತ್ಯ ಈ ಮಾರ್ಗವಾಗಿ ಸಂಚರಿಸುತ್ತಿದ್ದ ಖಾಸಗಿ ನಗರ ಸಾರಿಗೆ ಬಸ್ಸು, ಕೂಳೂರಿನ ಅಯ್ಯಪ್ಪ ಮಂದಿರ ಬಳಿ ಹಳೇ ಸೇತುವೆ ಬಳಿ ಬರುತ್ತಿದ್ದಂತೆ ನಿಯಂತ್ರಣ ಕಳೆದುಕೊಂಡು ಸೇತುವೆಯಿಂದ ಕೆಳಮುಖವಾಗಿ ವಾಲಿ ನಿಂತಿದೆ. ಬೆಳಗ್ಗಿನ ಟ್ರಿಪ್ ಆದಾ ಕಾರಣ ಬಸ್ಸ್ ನಲ್ಲಿ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರಯಾಣಿಕರಿದ್ದರು. ಘಟನೆಯಿಂದ ಕೆಲ ಕಾಲ ಪ್ರಯಾಣಿಕರಲ್ಲಿ ಆತಂಕ ಮೂಡಿತು. ಅದೃಷ್ಟವಶಾತ್ ಪ್ರಯಾಣಿಕರೆಲ್ಲರೂ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಸ್ಥಳಕ್ಕೆ ಆಗಮಿಸಿದ ಆಗ್ನಿಶಾಮಕ ದಳ ಕ್ರೇನ್ ಮೂಲಕ ಬಸ್ಸು ಮೇಲೆತ್ತಲು ಶ್ರಮಿಸುತ್ತಿದ್ದಾರೆ. ಘಟನೆಗೆ ನಿಖರ ಕಾರಣ ತಿಳಿದುಬಂದಿಲ್ಲ .