ಕಾಸರಗೋಡು: ಸ್ಕೂಟರ್ ಮತ್ತು ಪಿಕಪ್ ನಡುವೆ ಅಪಘಾತ- ಗಾಯಾಳು ಸಾವು

•   Wed, Nov 27 2019 12:31:30 PM



• ಕಾಸರಗೋಡು, ನ 27 (Daijiworld News/MSP): ಸ್ಕೂಟರ್ ಮತ್ತು ಪಿಕಪ್ ವಾಹನ ನಡುವೆ ಡಿಕ್ಕಿ ಹೊಡೆದು ಗಂಭೀರ ಗಾಯಗೊಂಡು ಮಂಗಳೂರು ಆಸ್ಪತ್ರೆಗೆ ದಾಖಲಾಗಿದ್ದ ಸವಾರ ನ.27 ರ ಬುಧವಾರ ಮುಂಜಾನೆ ಮೃತಪಟ್ಟಿದ್ದಾರೆ.

  

  ಮೃತಪಟ್ಟವರನ್ನು ಆರಿಕ್ಕಾಡಿ ಗುಡ್ಡೆಯ ಮುಹಮ್ಮದ್ ಶರೀಫ್ (34) ಎಂದು ಗುರುತಿಸಲಾಗಿದೆ. ಮಂಗಳವಾರ ಬೆಳಿಗ್ಗೆ ಬಂದ್ಯೋಡು ಸಮೀಪದ ಅಡ್ಕ ಎಂಬಲ್ಲಿ ಅಪಘಾತ ನಡೆದಿತ್ತು . ಶರೀಫ್ ರವರು ತನ್ನ ಪತ್ನಿ ಮನೆಯಿಂದ ನಾದಿನಿ ಮುನೀರಾ ಜೊತೆ ಬಂದ್ಯೋಡು ಕಡೆಗೆ ಬರುತ್ತಿದ್ದಾಗ ಅಪಘಾತ ನಡೆದಿದ್ದು , ಶರೀಫ್ ಗಂಭೀರ ಗಾಯಗೊಂಡಿದ್ದರು. ಅಪಘಾತದಲ್ಲಿ ಮುನೀರಾ ಗಾಯಗೊಂಡಿದ್ದು , ಆಸ್ಪತ್ರೆಯಲ್ಲಿ ಚೇತರಿಸಿಕೊಳ್ಳುತ್ತಿದ್ದಾರೆ. ಕುಂಬಳೆ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.