ಕಾಸರಗೋಡು: ರಸ್ತೆ ಬದಿ ಕಂಬಕ್ಕೆ ಡಿಕ್ಕಿ ಹೊಡೆದ ಕಾರು- ಒಂದು ವರ್ಷದ ಮಗು ಸಾವು

•   Tue, Jan 16 2018 10:24:54 AM



• ಕಾಸರಗೋಡು ಜ 16: ಉದುಮದಲ್ಲಿ ಕಾರೊಂದು ಬೀದಿ ದೀಪದ ಕಂಬಕ್ಕೆ ಡಿಕ್ಕಿ ಹೊಡೆದ ಪರಿಣಾಮ ಗಂಭೀರ ಗಾಯಗೊಂಡಿದ್ದ ಒಂದು ವರ್ಷದ ಮಗು ಚಿಕಿತ್ಸೆಗೆ ಸ್ಪಂದಿಸದೆ ಜ 15 ರ ಸೋಮವಾರ ರಾತ್ರಿ ಮೃತಪಟ್ಟಿದೆ. ಚಿತ್ತಾರಿಕಲ್ ಭೀಮನಡಿಯ ಫೈಝಲ್ ರವರ ಪುತ್ರಿ ಶೈಬಾ ಮೃತಪಟ್ಟ ಮಗು. ಅಪಘಾತದಲ್ಲಿ ಮಗು ಗಂಭೀರ ಗಾಯಗೊಂಡಿದ್ದು , ಮಂಗಳೂರಿನ ಖಾಸಗಿ ಆಸ್ಪತ್ರೆಯ ತೀವ್ರ ನಿಗಾ ಘಟಕಕ್ಕೆ ಸೇರಿಸಲಾಗಿತ್ತು.ಗಲ್ಫ್ ನಿಂದ ಬಂದ ಫೈಝಲ್ ನನ್ನು ಮಂಗಳೂರು ವಿಮಾನ ನಿಲ್ದಾಣದಿಂದ ಮನೆಗೆ ಕರೆದುಕೊಂಡು ಬರುತ್ತಿದ್ದಾಗ ಸೋಮವಾರ ಉದುಮ ರೈಲ್ವೆ ಗೇಟ್ ಸಮೀಪ ನಿಯಂತ್ರಣ ತಪ್ಪಿದ ಕಾರು ರಸ್ತೆ ಬದಿಯ ವಿದ್ಯುತ್ ಕಂಬಕ್ಕೆ ಡಿಕ್ಕಿ ಹೊಡೆದಿತ್ತು .ಅಪಘಾತದಲ್ಲಿ ಫೈಝಲ್ , ಪತ್ನಿ ಆಯಿಷಾ , ಸಹೋದರಿ ರಮ್ಲಾ , ಮಕ್ಕಳಾದ ಮುನವ್ವರ್, ಅಜ್ಮಲ್ ಕೂಡಾ ಗಾಯಗೊಂಡಿದ್ದರು.