ಪುತ್ತೂರು: ಅಪ್ರಾಪ್ತ ವಿದ್ಯಾರ್ಥಿನಿಗೆ ಅತ್ಯಾಚಾರ ಮಾಡಲು ಯತ್ನಿಸಿದ ದುಷ್ಕರ್ಮಿಯ ಬಂಧನ

•   Wed, Dec 11 2019 09:27:58 AM



• ಪುತ್ತೂರು, ಡಿ 11 (Daijiworld News/MB) : ಅಪ್ರಾಪ್ತ ವಯಸ್ಸಿನ ವಿದ್ಯಾರ್ಥಿನಿಗೆ ಅತ್ಯಾಚಾರ ಮಾಡಲು ಯತ್ನಿಸಿದ ಘಟನೆ ತಾಲೂಕಿನ ಗ್ರಾಮಾಂತರದ ಕೆಯ್ಯೂರಿನಲ್ಲಿ ನಡೆದಿದೆ.

  

  ಅತ್ಯಾಚಾರಕ್ಕೆ ಯತ್ನಿಸಿದ ಆರೋಪಿ ಕೆಯ್ಯೂರು ಗ್ರಾಮದ ದೇವಿನಗರ ನಿವಾಸಿ ಹಸೈನಾರ್‌(25) ಆಗಿದ್ದು ಆತನನ್ನು ಪೊಲೀಸರು ಬಂಧಿಸಿದ್ದಾರೆ.

  ಡಿ. ೮ರಂದು ವಿದ್ಯಾರ್ಥಿನಿಯ ತಾಯಿ ಕೂಲಿ ಕೆಲಸಕ್ಕೆ ಹೋಗಿದ್ದು ಶಾಲೆಗೆ ರಜೆ ಇದ್ದ ಕಾರಣದಿಂದಾಗಿ ವಿದ್ಯಾರ್ಥಿನಿಯೊಬ್ಬಳೇ ಮನೆಯಲ್ಲಿದ್ದಳು. ಇದನ್ನರಿತ ಆರೋಪಿ ಹಸೈನಾರ್‌ ಮಧ್ಯಾಹ್ನದ ವೇಳೆ ಮನೆಗೆ ನುಗ್ಗಿ ಮನೆಯ ಸೋಫಾದ ಮೇಲೆ ಮಲಗಿದ್ದ ವಿದ್ಯಾರ್ಥಿನಿಗೆ ಲೈಂಗಿಕ ಕಿರುಕುಳ ಕೊಡಲು ಯತ್ನಿಸಿದ್ದಾನೆ. ಆ ಸಂದರ್ಭದಲ್ಲಿ ಬಾಲಕಿ ಕಿರುಚಿದ್ದು ಆರೋಪಿ ಅಲ್ಲಿಂದ ಪರಾರಿಯಾಗಿದ್ದಾನೆ.

  ವಿದ್ಯಾರ್ಥಿನಿಯು ತಾಯಿಗೆ ಕರೆಮಾಡಿ ಈ ವಿಷಯವನ್ನು ತಿಳಿಸಿದ್ದು ಆರೋಪಿ ತೊಂದರೆ ನೀಡಬಹುದೆಂಬ ಭಯದಿಂದ ಅಂದು ದೂರು ನೀಡಿರಲಿಲ್ಲ. ಡಿ.9 ರಂದು ಮೂಡುಬಿದಿರೆಯಲ್ಲಿರುವ ಹಿರಿಯ ಮಗಳಿಗೆ ಈ ಕುರಿತು ತಿಳಿಸಿದಾಗ ಆಕೆ ದೂರು ನೀಡುವಂತೆ ಸೂಚಿಸಿದ್ದು ಆದ್ದರಿಂದ ಡಿ.9 ರಂದು ದೂರು ನೀಡಿದ್ದಾಗಿ ತಾಯಿ ಪೊಲೀಸರಿಗೆ ತಿಳಿಸಿದ್ದಾರೆ.

  ಪೊಲೀಸರು ದೂರು ದಾಖಲಿಸಿ ಆರೋಪಿ ಹಸೈನಾರ್‌ನನ್ನು ಬಂಧಿಸಿ ಪೋಕ್ಸೋ ಕಾಯಿದೆ ಪ್ರಕರಣ ದಾಖಲಿಸಿದ್ದು ತನಿಖೆ ನಡೆಸುತ್ತಿದ್ದಾರೆ.

  ಈ ಕುರಿತು ಪುತ್ತೂರು ಗ್ರಾಮಾಂತರ ಪೊಲೀಸ್‌ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.