ಬಂಟ್ವಾಳ : ಏಕಾಏಕಿ ಮುಂದಕ್ಕೆ ಚಲಿಸಿ ಆಳಕ್ಕೆ ಜಾರಿದ ಜೀಪ್

•   Sun, Dec 29 2019 05:18:36 PM



• ಬಂಟ್ವಾಳ, ಡಿ 29(Daijiworld News/PY) : ಸಮ್ಮೇಳನಕ್ಕೆಂದು ಬಳಸಿದ ಜೀಪೊಂದು ಏಕಾಏಕಿ ಮುಂದಕ್ಕೆ ಚಲಿಸಿ ಆಳಕ್ಕೆ ಜಾರಿ ನಿಂತ ಘಟನೆ ಮಾಣಿ ಬಾಲವಿಕಾಸ ಆಂಗ್ಲಮಾಧ್ಯಮ ಶಾಲೆಯಲ್ಲಿ ಶನಿವಾರ ನಡೆದಿದೆ.

  

  

  

  

  ಮಾಣಿ ರಾಜ್‌ಕಮಲ್ ಅಡಿಟೋರಿಯಂನಿಂದ ಸಮ್ಮೇಳನದ ಸಭಾಂಗಣದವರೆಗೆ ಮೆರವಣಿಗೆಯ ಮೂಲಕ ಸಮ್ಮೇಳನಾಧ್ಯಕ್ಷೆ ಡಾ. ಧರಣೀದೇವಿ ಮಾಲಗತ್ತಿ ಅವರನ್ನು ಇದೇ ಜೀಪಿನಲ್ಲಿ ಸಮ್ಮೇಳನ ಸಭಾಂಗಣಕ್ಕೆ ಕರೆತರಲಾಗಿತ್ತು. ಬಳಿಕ ಜೀಪ್‌ ಅನ್ನು ಶಾಲಾ ಆವರಣದ ಇನ್ನೊಂದು ಬದಿಯಲ್ಲಿ ನಿಲ್ಲಿಸಲಾಗಿತ್ತು. ಆದರೆ, ಜೀಪ್‌ನಲ್ಲಿದ್ದ ಕೀಯನ್ನು ವ್ಯಕ್ತಿಯೊಬ್ಬರು ತಿರುಗಿಸಿದ ಪರಿಣಾಮ ಜೀಪ್ ಮುಂದಕ್ಕೆ ಏಕಾಏಕಿ ಮುಂದಕ್ಕೆ ಚಲಿಸಿ, ಆಳವಾದ ಪ್ರದೇಶಕ್ಕೆ ಜಾರಿ ಕೆಳಭಾಗದ ಮೆಟ್ಟಿಲಿನಲ್ಲಿ ಸಿಲುಕಿಕೊಂಡಿತ್ತು.

  ಘಟನೆ ನಡೆದ ವೇಳೆ ಸ್ಥಳದಲ್ಲಿ ಯಾರೂ ಇಲ್ಲದ ಕಾರಣ ಯಾವುದೇ ಅಪಾಯ ಸಂಭವಿಸಿಲ್ಲ ಎಂದು ತಿಳಿದುಬಂದಿದೆ.

  ಘಟನೆಯಿಂದ ಜೀಪ್‌ಗೆ ಹಾನಿಯಾಗಿದ್ದು, ಬಳಿಕ ಜೀಪ್ ಅನ್ನು ಮೇಲೆತ್ತಲಾಯಿತು.