ಕಾಸರಗೋಡು: ಕಣಜದ ಹುಳು ದಾಳಿ ನಡೆಸಿ ವ್ಯಕ್ತಿ ದಾರುಣ ಸಾವು

•   Tue, Dec 31 2019 07:29:21 PM



• ಕಾಸರಗೋಡು, ಡಿ 31 (DaijiworldNews/SM): ಕಣಜದ ಹುಳು ಕಡಿದು ಓರ್ವ ಮೃತಪಟ್ಟು, ವಿದ್ಯಾರ್ಥಿನಿಯೋರ್ವಳು ಗಂಭೀರ ಗಾಯಗೊಂಡ ಘಟನೆ ಕುಂಬಳೆ ಸಮೀಪದ ಕಳತ್ತೂರಿನಲ್ಲಿ ನಡೆದಿದೆ.

  

  ಮೃತಪಟ್ಟವರನ್ನು ಕಳತ್ತೂರು ಕಾಜೂರಿನ ಶಂಕರ ರೈ ಎಂದು ಗುರುತಿಸಲಾಗಿದೆ. ಗಂಭೀರ ಗಾಯಗೊಂಡ ಕಳತ್ತೂರು ಉಳ್ಳಕ್ಕರೆಯ ಅಂಕಿತಾಳನ್ನು ಕುಂಬಳೆಯ ಆಸ್ಪತ್ರೆಗೆ ದಾಖಲಿಸಲಾಗಿದೆ.

  ಹಾಲು ಮಾರಾಟಕ್ಕೆ ತೆರಳಿ ಮನೆಗೆ ಮರಳುತ್ತಿದ್ದ ಶಂಕರ ಅವರಿಗೆ ಕಣಜದ ಹುಳು ದಾಳಿ ನಡೆಸಿದೆ. ಈ ಸಂದರ್ಭದಲ್ಲಿ ಶಾಲೆಗೆ ತೆರಳುತ್ತಿದ್ದ ಅಂಕಿತಾಳಿಗೂ ಹುಳು ಕಚ್ಚಿದ್ದು, ಇಬ್ಬರನ್ನು ಸ್ಥಳೀಯರು ಆಸ್ಪತ್ರೆಗೆ ರವಾನಿಸಲಾಗಿದೆ. ಆದರೆ, ಶಂಕರ ರೈ ಚಿಕಿತ್ಸೆಗೆ ಸ್ಪಂದಿಸದೆ ಮೃತಪಟ್ಟಿದ್ದಾರೆ.