ಕಾಸರಗೋಡು: ಭೀಕರ ಅಪಘಾತ - ದಂಪತಿ ಸ್ಥಳದಲ್ಲೇ ಸಾವು

•   Mon, Jan 06 2020 12:58:27 PM



• ಕಾಸರಗೋಡು, ಜ 06 (Daijiworld News/MSP): ಬೈಕ್ ಮತ್ತು ಕಾರಿನ ನಡುವೆ ಉಂಟಾದ ಭೀಕರ ಅಪಘಾತದಲ್ಲಿ ದಂಪತಿ ಸ್ಥಳದಲ್ಲೇ ಮೃತಪಟ್ಟ ಘಟನೆ ಸೋಮವಾರ ಬೆಳಿಗ್ಗೆ 11 ಗಂಟೆ ಸುಮಾರಿಗೆ ಮುಳ್ಳೇರಿಯಾ ಸಮೀಪ ದ ಕಾರಡ್ಕ ದಲ್ಲಿ ನಡೆದಿದೆ.

  

  

  

  ಮೃತಪಟ್ಟವರನ್ನು ಗೋವಿಂದ ರಾಜ್ ( 53) ಮತ್ತು ಪತ್ನಿ ಉಮಾ ವತಿ ( 42 ) ಎಂದು ಗುರುತಿಸಲಾಗಿದೆ. ಗೋವಿಂದರಾಜ್ ಮತ್ತು ಪತ್ನಿ ಸಂಚರಿಸುತ್ತಿದ್ದ ಬೈಕ್ ಗೆ ಎದುರಿನಿಂದ ಅತೀ ವೇಗದಿಂದ ಬಂದ ಇನ್ನೋವಾ ಕಾರು ಡಿಕ್ಕಿ ಹೊಡೆದಿದ್ದು , ಬೈಕನ್ನು ಮೀಟರ್ ಗಳಷ್ಟು ದೂರ ಕಾರು ಎಳೆದೊಯ್ದಿದೆ.

  ದಂಪತಿಗಳು ಅಪಘಾತದ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಆದೂರು ಠಾಣಾ ಪೊಲೀಸರು ಸ್ಥಳಕ್ಕೆ ತೆರಳಿ ಮುಂದಿನ ಕ್ರಮ ತೆಗೆದುಕೊಂಡಿದ್ದು, ಮೃತದೇಹಗಳನ್ನು ಮರಣೋತ್ತರ ಪರೀಕ್ಷೆಗಾಗಿ ಕಾಸರಗೋಡು ಜನರಲ್ ಆಸ್ಪತ್ರೆಗೆ ಕೊಂಡೊಯ್ಯಲಾಗಿದೆ.

  ಮೃತಪಟ್ಟ ದಂಪತಿ ಮೂಲತ: ತಮಿಳುನಾಡು ನಿವಾಸಿಗಳಾಗಿದ್ದು, ಕಾರಡ್ಕದಲ್ಲಿ ವಾಸವಾಗಿದ್ದಾರೆ. ಗೋವಿಂದ ರಾಜ್ ಮುಳ್ಳೇರಿಯದಲ್ಲಿ ಸೆಲೂನ್ ಅಂಗಡಿ ನಡೆಸುತ್ತಿದ್ದರು ಎಂದು ತಿಳಿದುಬಂದಿದೆ.