ಉಳ್ಳಾಲ: ರೌಡಿ ಇಲಿಯಾಸ್ ಹತ್ಯೆ ಪ್ರಕರಣ- ಆರೋಪಿ ದಾವುದ್ ಪತ್ನಿ ಆತ್ಮಹತ್ಯೆ ಯತ್ನ..?

•   Sun, Jan 28 2018 10:46:06 AM



•  

  ಉಳ್ಳಾಲ, ಜ 28: ಇಲಿಯಾಸ್ ಯಾನೆ ಟಾರ್ಗೆಟ್ ಇಲಿಯಾಸ್ ಹತ್ಯೆ ಪ್ರಕರಣದ ಆರೋಪಿ ನಾಪತ್ತೆಯಾಗಿರುವ ದಾವೂದ್ ಪತ್ನಿ ಚೂರಿಯಿಂದ ಇರಿದುಕೊಂಡು ಆತ್ಮಹತ್ಯೆಗೆ ಯತ್ನಿಸಿರುವುದಾಗಿ ತಡವಾಗಿ ಬೆಳಕಿಗೆ ತಿಳಿದುಬಂದಿದೆ. ಈ ಕುರಿತು ಯಾವುದೇ ದೂರುಗಳು ದಾಖಲಾಗಿಲ್ಲ.
  ಉಳ್ಳಾಲದ ಸುಭಾಷನಗರದ ಫ್ಲಾಟಿನಲ್ಲಿ ವಾಸಿಸುತ್ತಿದ್ದ ದಾವುದ್ ಪತ್ನಿ ಶಾಹಿನಾ (24) ಆತ್ಮಹತ್ಯೆಗೆ ಯತ್ನಿಸಿದಾಕೆ. ಈಕೆಯನ್ನು ಗಂಭೀರ ಸ್ಥಿತಿಯಲ್ಲಿ ಮಂಗಳೂರಿನ ಕೊಲೆಸಾ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಪತಿಯ ಕೃತ್ಯದಿಂದ ಬೇಸತ್ತು ಕೃತ್ಯೆ ಎಸಗಿರುವುದಾಗಿ ಆರೋಪಿಸಲಾಗುತ್ತಿದ್ದರೆ, ಇನ್ನೊಂದೆಡೆ ದಾವುದ್ ನಾಪತ್ತೆ ಹಿನ್ನೆಲೆಯಲ್ಲಿ ಪೊಲೀಸರು ಆಕೆಯನ್ನು ಪದೇ ಪದೇ ವಿಚಾರಣೆಗೆ ಒಳಪಡಿಸುತ್ತಿದ್ದರಿಂದ ಬೇಸತ್ತು ಆತ್ಮಹತ್ಯೆಗೆ ಯತ್ನಿಸಿರುವುದಾಗಿ ತಿಳಿದುಬಂದಿದೆ. ಜ.12 ರಂದು ಟಾರ್ಗೆಟ್ ಇಲ್ಯಾಸ್‌ನನ್ನು ಜೆಪ್ಪು ಮಾರ್ನಮಿಕಟ್ಟೆಯ ಫ್ಲಾಟಿನಲ್ಲೇ ಹತ್ಯೆ ನಡೆಸಲಾಗಿತ್ತು. ಪ್ರಕರಣ ಸಂಬಂಧ ಪತ್ನಿ ನೀಡಿರುವ ದೂರಿನಲ್ಲಿ ಉಳ್ಳಾಲದ ದಾವುದ್ ಮತ್ತು ಸಫ್ವಾನ್ ಹಾಗೂ ಇತರರು ಸೇರಿ ಪತಿಯನ್ನು ಹತ್ಯೆ ನಡೆಸಿದ್ದಾರೆಂದು ಪ್ರಕರಣ ದಾಖಲಿಸಿದ್ದರು.