ಕಾಸರಗೋಡು: ನಿಗೂಢವಾಗಿ ನಾಪತ್ತೆಯಾಗಿದ್ದ ಯುವಕ ಶವವಾಗಿ ಪತ್ತೆ

•   Sun, Sep 17 2017 09:03:04 AM



• ಕಾಸರಗೋಡು ಸೆ17: ಯುವಕನೋರ್ವನ ಮೃತದೇಹ ಕೆರೆಯೊಂದರಲ್ಲಿ ಪತ್ತೆಯಾದ ಘಟನೆ ಕಾಸರಗೋಡಿನ ಮುಳ್ಳೇರಿಯಾದಲ್ಲಿ ನಡೆದಿದೆ. ಮೃತಪಟ್ಟವರನ್ನು ಮಾಳಂಗೈ ಅರ್ಲಡ್ಕದ ನಿವಾಸಿ ಪ್ರಶಾಂತ್ ಎಂದು ಗುರುತಿಸಲಾಗಿದೆ .

  

  ಮಾವಿನಕಟ್ಟೆಯಲ್ಲಿ ಸೌಂಡ್ಸ್ ಮತ್ತು  ಲೈಟಿಂಗ್ಸ್ ನೌಕರನಾಗಿದ್ದ ಪ್ರಶಾಂತ್ ಕೋಟೂರು ಪತ್ತನಡ್ಕದಲ್ಲಿರುವ ತನ್ನ ಸಹೋದರಿ ಮನೆಯಿಂದ ಮರಳಿ ಬಂದಿದ್ದು, ನಿಗೂಢವಾಗಿ ನಾಪತ್ತೆಯಾಗಿದ್ದರು. ಅನುಮಾನಗೊಂಡ ಸಂಬಂಧಿಕರು ಪ್ರಶಾಂತ್ ಗಾಗಿ ಶೋಧ ಕಾರ್ಯ ನಡೆಸಿದಾಗ ಮನೆ ಸಮೀಪದ ಕೆರೆಯಲ್ಲಿ ಶವವಾಗಿ ಪತ್ತೆಯಾಗಿದ್ದಾರೆ. ಅಗ್ನಿಶಾಮಕ ದಳ ಮತ್ತು ಸ್ಥಳೀಯರ ನೆರವಿನಿಂದ ಮೃತ ದೇಹವನ್ನು ಮೇಲಕ್ಕೆತ್ತಿದ್ದು, ಅದೂರು ಪೊಲೀಸ್ ಠಾಣೆಯಲ್ಲಿ ಈ ಕುರಿತು ಪ್ರಕರಣ ದಾಖಲಾಗಿದೆ.