ಬೆಳ್ಳರ್ಪಾಡಿ: ಬಾವಿಗೆ ಬಿದ್ದು ಚಿರತೆ ಸಾವು

•   Tue, Jan 30 2018 04:55:05 PM



• ಹೆಬ್ರಿ ಜ 30 : ಚಿರತೆಯೊಂದು ಆವರಣವಿಲ್ಲದ ಬಾವಿಗೆ ಬಿದ್ದು ಮೃತಪಟ್ಟ ಘಟನೆ ಪೆರ್ಡೂರಿನ ಬೆಳ್ಳರ್ಪಾಡಿ ಗ್ರಾಮದ ಸುತ್ತುಬಲ್ಲೆ ಎಂಬಲ್ಲಿ ಜ 28 ರ ಭಾನುವಾರ ನಡೆದಿದೆ. ಸತೀಶ್ ಕುಲಾಲ್ ಎಂಬವರಿಗೆ ಸೇರಿದ ಜಾಗದಲ್ಲಿ ಆವರಣ ಇಲ್ಲದ ಬಾವಿಗೆ ಕಳೆದರಡು ದಿನದ ಹಿಂದೆ ಈ ಚಿರತೆ ಬಿದ್ದಿರುವ ಸಾಧ್ಯತೆಗಳಿವೆ. ಸುಮಾರು 2 ವರ್ಷದ ಗಂಡು ಚಿರತೆ ಇದಾಗಿದ್ದು, ಆಹಾರ ಶೋಧಿಸುತ್ತಾ ನಾಯಿಯನ್ನು ಅಟ್ಟಿಸಿಕೊಂಡು ಬಂದು ಬಿದ್ದಿರಬಹುದು ಎಂದು ಅಂದಾಜಿಸಲಾಗಿದೆ. ಘಟನಾ ಸ್ಥಳಕ್ಕೆ ಅರಣ್ಯ ಇಲಾಖಾ ಸಿಬ್ಬಂದಿಗಳು ಆಗಮಿಸಿ ಚಿರತೆಯನ್ನು ಮೇಲಕ್ಕೆಳೆದಿದ್ದಾರೆ, ಮರಣೋತ್ತರ ಪರೀಕ್ಷೆಯನ್ನು ಹಿರಿಯಡ್ಕ ಪಶು ವೈದ್ಯರು ಮಾಡಿದ್ದಾರೆ. ಮೂಡುಬಿದಿರೆ ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ತನಿಖೆ ಕೈಗೆತ್ತಿಕೊಂಡಿದ್ದಾರೆ.